استانا ىشكى ىستەر دەپارتامەنتى قوعامدىق كولىكتەردىڭ بارىنە بەينەباقىلاۋ كامەرالارىن ورناتۋدى ۇسىندى

استانا قالاسىنىڭ ءى ءى د باستىعىنىڭ ورىنباسارى سانجار ءادىلوۆتىڭ ايتۋىنشا، جىل سايىن ەلىمىزدىڭ باس قالاسىندا حالىق سانى كوبەيىپ كەلەدى. كەيبىر وتباسىلاردا ەكىدەن نەمەسە ۇشتەن كولىك بار. سوندىقتان، جول اپاتى الەۋمەتتىك وتكىر ماسەلەلەردىڭ ءبىرى بولىپ تۇر. بۇگىنگى تاڭدا جول اپاتىنىڭ سانى كوبەيىپ، جول ۇستىندەگى ءولىم جاعدايىنىڭ ارتقانى بايقالعان. جىل باسىنان بەرى ەلوردادا جول-كولىك وقيعاسى سالدارىنان 36 ادام كوز جۇمعان.

استانا قالاسى ءى ءى د انىقتاۋ باسقارماسى جول-كولىك وقيعالارىن تەرگەۋ ءبولىمىنىڭ باستىعى پودپولكوۆنيك نۇرلان مۇقانوۆ ساراپتاما جۇمىستارى كوپ جاعدايدا جول-كولىك وقيعاسىنا جۇرگىزۋشىلەردىڭ ولاقتىعى سەبەپ بولاتىنىن ايتادى. اعىمداعى جىلدىڭ قاڭتار ايىنان بەرى قالادا 329 جول-كولىك وقيعاسى تىركەلگەن.

جاياۋ جۇرگىنشىلەردى قاعىپ كەتۋ جاعدايى كوپتەپ ۇشىراسۋدا. قوعامدىق كولىكتەردە دە جولاۋشىلاردىڭ كىرۋى نەمەسە شىعۋى كەزىندە ورىن العان وقىس وقيعالار بار. 1- قاڭتاردان بەرى ق ك وزگەرىس ەنگىزىلىپ، ماس كۇيدە كولىك جۇرگىزگەن ادامدارعا جازا قاتايا تۇسكەنى بەلگىلى. نۇرلان مۇقانوۆ 10- تامىزدا «لادا» اۆتوكولىگىنىڭ جۇرگىزۋشىسى ماس كۇيدە قابانباي باتىر كوشەسىندە كولىگىمەن كەلە جاتىپ، ەكى ادامدى قاعىپ كەتكەنىن جەتكىزدى.

وسىنىڭ سالدارىنان جولدىڭ رۇقسات ەتىلمەگەن جەرىنەن وتپەك بولعان ەكى ادام وقيعا ورنىندا قازا تاپقان. جۇرگىزۋشى قازىر قاماۋدا. سونىمەن قاتار، 11- ساۋىردە «حيۋنداي» جۇرگىزۋشىسى كولىگىمەن «ماڭگىلىك ەل» كوشەسىندە رۇقسات ەتىلمەگەن جەردەن ماس كۇيدە وتپەك بولعان ادامدى قاعىپ كەتكەن. كولىك قاققان ادام اجال قۇشتى.

الايدا جۇرگىزۋشىنىڭ ءىسىن زەرتتەي كەلە وعان قاتىستى قىلمىستىق ءىستىڭ قۇرامى بولماعاندىقتان، قىلمىستىق ءىس توقتاتىلعان.

«وقىس جاعدايلاردى سارالاي كەلە قايعىلى وقيعالارعا كوپ جاعدايدا جاياۋ جۇرگىنشىلەر تاپ بولىپ جاتاتىنىن كورىپ وتىرمىز. وسى سەبەپتى، استاناداعى قوعامدىق كولىكتەردىڭ بارلىعىنا بەينەباقىلاۋ كامەراسىن ورناتۋدى ۇسىنامىز. سونداي-اق، كوشەلەردىڭ شەتىنە قورشاۋلاردى ورناتىپ تاستاۋدىڭ دا ماڭىزى زور. سوڭعى تاجىريبەنى الماتىدا قولدانىپ كورگەندە بۇعان قاتىستى قيىن جاعدايلاردىڭ ازايعانى بايقالدى. سوندىقتان، اتالعان ەكى ۇسىنىستى كەڭىرەك تالقىلاپ، جۇزەگە اسىرۋدى ۇسىنامىن»، - دەيدى نۇرلان مۇقانوۆ.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى