قۋات حاميتوۆ جەكپە- جەككە شاقىرعان ءامىرحان تىلەۋوۆكە جاۋاپ بەردى

م م ا شەبەرى وتانداسىنىڭ شارشى الاڭدا كەزدەسۋ تۋرالى ۇسىنىسىنا ەسكى تامسىلمەن جاۋاپ قاتقان. «مەن بىلايشا جاۋاپ بەرەيىن: ءبىر كۇنى ارىستانعا ءيت كەلىپ، ونى شايقاسقا شاقىرادى. ءبىراق ارىستان وعان نازارىن دا اۋدارماپتى. سوندا ءيت: «ەگەر سەن مەنىمەن توبەلەسپەسەڭ، مەن بارلىق دوستارىما ارىستاننىڭ مەنەن قورقاتىنىن ايتىپ بەرەمىن» ، - دەپتى. ارىستان سوندا: «يتتەرمەن توبەلەسىپ ءجۇر ەكەن دەگەنشە، يتتەردەن جاسقانادى ەكەن» دەپ ايتا بەرسىن دەگەن ەكەن. مەنى كىم شايقاسقا شاقىرعانىن ەستىمەدىم. ءبىراق كىم بولسا دا، مەنىمەن بەتپە- بەت كەلەتىن ادام لايىقتى قارسىلاس بولسىن! الەمنىڭ ءۇش دۇركىن چەمپيونى جانە ازيا مەن قىتايدىڭ ۇزدىك سپورتشىسى كىم كورىنگەنمەن جۇدىرىقتاسا بەرمەيدى» ، - دەدى سپورتشى.

شابۋىلعا شاقىرۋدىڭ تۇپكى سەبەبى قۋات حاميتوۆتىڭ قازاقستاندىق فۋتبولشىلارعا ايتقان سىنىنان شىققان ەدى. ول تۇستا «نايمان» ەلدەگى فۋتبولدى دامىتۋعا بولىنەتىن قاراجاتتىڭ جەلگە ۇشىپ كەتىپ جاتقانىن جازعان ەدى. «استانا» مەن «سەلتيك» اراسىنداعى ەكىنشى ويىننىڭ قورىتىندىسى قۋات حاميتوۆتىڭ ويىن وزگەرتە الماپتى. «بۇل ويىننىڭ ناتيجەسى ءبىرىنشى ماتچتا- اق شەشىلىپ قويعان. ەكىنشى كەزدەسۋگە جاڭادان ويناپ جۇرگەندەر، ياعني قوسالقى قۇرام كەلگەن. سوندىقتان، اقىماقتاردىڭ باسقاسىنان ءبارى دە «سەلتيكتىڭ» بۇل ماتچقا قىزىعۋشىلىق تانىتپايتىنىن ءبىلدى. جالپى العاندا، بارلىق جۋرناليستەر مەن فۋتبول جانكۇيەرلەرىنە ايتارىم بار: سىزدەر الەم كۋبوگى دارەجەسىنە جەتكەن كەزدە عانا ماعان فۋتبول تۋرالى سۇراق قويساڭىزدار ەكەن» ، - دەدى «نايمان» . بۇدان بۇرىن قازاقستاندىق بوكسشى ءامىرحان تىلەۋوۆ «نايمان» اتتى لاقاپ اتى بار قۋات حاميتوۆتى 26  - تامىزدا ءشارىپوۆا مەن كوليەۆانىڭ اراسىندا وتەتىن شوۋدا كەزدەسۋدە شاقىرعان بولاتى. بوكس كەشى «ەكسپو-2017» حالىقارالىق كورمەسىندەگى امفيتەاتردا ۇيىمداستىرىلماق.

 اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى