استانالىق بالالار مەكتەپكە ونلاين تارتىپپەن قابىلدانادى
بۇل تۋرالى بۇگىن استانا قالاسى پەداگوگتارىنىڭ ءداستۇرلى تامىز كەڭەسىندە ءمالىم بولدى، دەپ حابارلايدى قازاقپارات.
«قازىرگى كەزدە استاناداعى ءبىلىم بەرۋ جۇيەسىندە مەملەكەتتىك بەس قىزمەت اۆتوماتتاندىرىلدى. ونىڭ ىشىنە بالاباقشاعا كەزەككە قويۋ مەن جولداما بەرۋ راسىمدەرى ەنىپ وتىر. بۇدان بولەك، 2018 -جىلدىڭ 1 -ماۋسىمىنا دەيىن بالالاردى مەكتەپكە قابىلداۋ قىزمەتىن اۆتوماتتاندىرۋدى جوسپارلاپ وتىرمىز»، - دەدى كەڭەس بارىسىندا قالا اكىمى اسەت يسەكەشەۆ.
ونىڭ پايىمىنشا، وسىنداي جاڭاشىلدىقتار قىزمەتتەردىڭ اشىقتىعىن قامتاماسىز ەتۋدە ماڭىزدى باعىت بولماق.
ەستەرىڭىزگە سالا كەتەيىك، ەلوردا اكىمدىگى مەملەكەتتىك بالاباقشالارعا جولدامانى ەلەكتروندى تۇردە بەرۋدى بيىلعى ساۋىردەن باستاپ ەنگىزدى.
