قازاقستان رەسەيلىك جانارمايدان باس تارتۋى مۇمكىن

بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا ق ر ەنەرگەتيكا ءمينيسترى قانات بوزىمبايەۆ ءمالىم ەتتى.

«بىزدە رەسەيمەن اشىق ءتۇستى مۇناي ونىمدەرىن ەكسپورتتاماۋ تۋرالى كەلىسىم بار. بۇل رەسەيلىك بەنزين مەن ديزەلدىك وتىندى باجسىز اكەلۋىمىزبەن بايلانىستى بولدى. ەگەر قاراشا ايىندا ەكى زاۋىتىمىز ءونىم بەرسە، جەلتوقسان ايىندا جاعدايدى باعامداپ، قاڭتار ايىندا بۇل كەلىسىمنەن باس تارتۋ تۋرالى باستاما كوتەرەمىز دەپ بولجاپ وتىرمىز. سەبەبى، ءبىزدىڭ ءوز بەنزينىمىز، ءوز ديزەلدىك وتىنىمىز، جانار-جاعارمايدىڭ ءار تۇرىنە 1,5-2 ميلليونعا ارتىعىمەن بولادى. وسىلايشا، ىشكى نارىقتى قامتاماسىز ەتىپ، زاۋىتتارىمىزدىڭ مۇناي ونىمدەرىن ەكسپورتقا شىعارۋ ارقىلى جوعارى تابىس تاۋىپ، زاۋىتتى جاڭارتۋعا العان اۋقىمدى قارىزدارىن قايتارۋى ءۇشىن ەكسپورتتىڭ قانداي دا ءبىر بولىگىن اشامىز. سوندىقتان، اشىق ءتۇستى مۇناي ونىمدەرىنىڭ ەكسپورتىنا سالىنعان تىيىمدى وزگەرتۋىمىز مۇمكىن»، - دەدى ول.

ق ر ەنەرگەتيكا مينيسترلىگىنىڭ باسپا ءسوز قىزمەتىنىڭ حابارلاۋىنشا، قاڭتار-ماۋسىم ارالىعىندا قازاقستاننىڭ مۇناي وڭدەۋ زاۋىتتارىندا 7338,3 مىڭ توننا مۇناي وڭدەلگەن، بۇل 2016-جىلعى سايكەس كەزەڭ كورسەتكىشىنەن %5,4 كە كوپ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى