ەردوعان گەرمانيانىڭ سىرتقى ىستەر مينيسترىنە «ورنىڭدى ءبىل» دەپ ۇرسىپ تاستادى
ەردوعان وعان دەنيزلي قالاسىندا سويلەگەن سوزىندە جاۋاپ بەردى دەپ حابارلايدى Baq.kz اقپارات اگەنتتىگى Anadolu اگەنتتىگىنە سىلتەمە جاساپ.
مۇنىڭ الدىندا تۇركيا پرەزيدەنتى گەرمانيادا تۇراتىن تۇرىك ازاماتتارىن انگەلا مەركەل مەن سوتسيال-دەموكراتيالىق پارتيانىڭ ليدەرى مارتين شۋلتسكە داۋىس بەرمەۋگە شاقىرعان بولاتىن. گەرمانيا سىرتقى ىستەر ءمينيسترى مۇنى ەلدەگى سايلاۋ ناۋقانىنا ورەسكەل قول سۇعۋ دەپ باعالادى
«تۇركيا پرەزيدەنتىنە سويلەيتىندەي سەن كىمسىڭ؟ سەن سىرتقى ىستەر مينيسترىمەن سويلەسۋىڭ كەرەك. ورنىڭدى ءبىل!» دەدى وعان رەجەپ ەردوعان.
سونىمەن قاتار ول گەرمانيادا تۇراتىن تۇرىكتەردى تۇركياعا قارسى ۇران كوتەرەتىن پارتيالارعا داۋىس بەرمەۋگە شاقىردى.
تۇركيا مەن گەرمانيانىڭ قارىم-قاتىناسى كەيىنگى كەزدە سالقىنداپ كەتكەن بولاتىن. تۇركياداعى كونستيتۋتسيالىق رەفورما الدىندا گەرمانيا ول رەفورمانى قولدايتىن ساياساتكەرلەردىڭ مۇنداعى تۇرىكتەر الدىندا سويلەۋىنە مۇمكىندىك بەرمەي قويدى.
ەردوعان مۇنى ناتسيستەردىڭ ساياساتىمەن قاتار قويدى. گەرمانيا كانتسلەرى انگەلا مەركەل مۇنداي سالىستىرۋدىڭ تۇبىرىمەن قاتە ەكەنىن ايتتى. ال ماۋسىم ايىندا گەرمانيا ەردوعاننىڭ G20 سامميتىندە سويلەۋىنە تىيىم سالدى.
