تانىمال ءسۇر بويداق تاۋەكەل ءمۇسىلىم كەلەر جىلدىڭ ماۋسىمىندا وتاۋ قۇرۋى مۇمكىن
بۇل تۋرالى بولجامدى تانىمال ەكستراسەنس NUR. KZ پورتالىنا ايتىپ بەردى.
تاۋەكەل ءمۇسىلىم جەلىگە قىرعىز اكتريساسىمەن تۇسكەن سۋرەتىن جۇكتەگەننەن بەرى، كوپشىلىك ونەر يەسىنىڭ جەكە ومىرىنە قاتىستى ءتۇرلى پىكىرلەر ايتۋدا.
اسىرەسە، قازاقستاندىق قىز-كەلىنشەكتەر وتاندىق شوۋ بيزنەستىڭ جارىق جۇلدىزىن قىرعىز ارۋىنا «قيماي»، وعان «ءوز ۇلتىمىزدان كەلىن ءتۇسىر» دەپ كەڭەس بەرۋمەن بولدى.
وسى ورايدا، تانىمال ەكستراسەنس جىگەر سادىقوۆ تا تاۋەكەلدىڭ جەكە ومىرىندە ورىن الاتىن وزگەرىستەر تۋرالى ايتىپ، ونىڭ قاشان وتاۋ قۇراتىنى تۋرالى بولجام جاسادى.
وتاندىق ەكستراسەنستىڭ ايتۋىنشا، ازىرگە تاۋەكەلدىڭ جۇرەگىن جاۋلاعان ارۋ جوق، الايدا كەلەر جىلى سىمباتتى ءانشى ءوز تەڭىن تاۋىپ، شاڭىراق كوتەرۋى ابدەن مۇمكىن.
«قازىر تاۋەكەلدىڭ سۇيىكتىسى جوق دەپ ايتا الامىن. سەبەبى، ودان جالعىزدىق ەنەرگياسىن كورىپ تۇرمىن. ول ۇنەمى ەر ادامداردىڭ ورتاسىندا عانا جۇرەدى. ءبىراق 2018-جىلدىڭ العاشقى جارتىسىندا ول ءوز سۇيىكتىسىن كەزدەستىرىپ، كوز ۇزاماي سول ارۋعا ۇيلەنىپ، شاڭىراق كوتەرۋى ابدەن مۇمكىن. ناقتىراق ايتسام، مەنىڭ بولجامدارىم بويىنشا كەلەسى جىلدىڭ ماۋسىم ايىندا ۇيلەنىپ، نەكە قيۋى ءتيىس»، - دەپ توپشىلادى بەلگىلى ەكستراسەنس.
