پروموۋتەر نەلسون لوپەس: قانات قازىر ناعىز بابىندا
پروموۋتەردىڭ ايتۋىنشا، قانات يسلام قازىر ناعىز بابىنا كەلگەن، شارشى الاڭدا كەز كەلگەن بوكسشىمەن شىعۋعا ءازىر. وسى سەبەپتى «جۇلدىزدى» كاسىپقوي بوكسشىلار ونىمەن شىعۋعا باتىلى بارا بەرمەيتىن كورىنەدى.
«قانات 12 راۋندتىڭ بارىنە دايىن. ناعىز بابىندا. الەمدىك اتاعى بار كوپتەگەن بوكسشىلار ونىمەن شارشى الاڭعا شىققىسى كەلمەيدى. ءبىز ەريسلاندي لارانىڭ پروموۋتەرىمەن كەلىسسوز جۇرگىزىپ جاتىرمىز. ءبىراق لارا قانات ءۇشىن ىڭعايلى قارسىلاس دەپ ايتا المايمىن. لارا كوبىنەسە قورعانىستىڭ بوكسشىسى. وندايلار قانشا جەڭىسكە جەتكەنىمەن جۇلدىز بولا المايدى» ، - دەيدى نەلسون لوپەس.
پروموۋتەر قاناتتىڭ سوڭعى كەزدەسۋلەرى تۋرالى ساۋالدارعا دا جاۋاپ بەردى. نەلسوننىڭ سوزىنە سۇيەنسەك، جوعارىدا ايتىلعانداي «قازاققا» سوڭعى كەزدەرى ىلعي «قورعانىستىڭ بوكسشىلارى» كەزدەسىپ قالىپ جۇرگەن.
«قانات نەگە ءبىرىنشى راۋندتا قارسىلاسىن قۇلاتپايدى، نەگە نوكاۋت جوق دەپ ايتىپ جاتقاندار بار. ولاي ايتاتىندار بوكستىڭ قىر- سىرىن بىلمەيتىن ادامدار. ءبىزدىڭ ماقساتىمىز - ءبىرىنشى راۋندتا قۇلاتۋ ەمەس. قانات ءوزىن بارىنشا ۇستاي بىلەدى. اۋەسقوي بوكستاعىلار 3 راۋندقا بارىن سالادى. ال قازىرگى تاڭدا قاناتتىڭ كاسىپقوي بوكستا جۇرگەنىن ەسكەرۋ كەرەك. ەگەر بار كۇش- قۋاتىن العاشقى ءتورت راۋندقا سالىپ جىبەرىپ، دىتتەگەن ماقساتىنا جەتە الماي قالسا، ءارى قاراي نە بولادى؟ سوندىقتان، قانات كۇشىن 12 راۋندقا بارىنشا تەڭ ءبولۋى ءتيىس» ، - دەيدى ول.
نەلسون لوپەس بۇگىنگى كۇنى باستىسى اقشاعا ەمەس، قاناتتىڭ يميدجىن كوتەرۋگە كوپتەپ كۇش سالىپ جاتقانىن اتاپ ءوتتى. ونىڭ ايتۋىنشا، «قازاقتىڭ» پروموۋتەرلىك تارابى بىرەۋدىڭ شارتىن قابىلدايتىنداي ەمەس، شارت قويا بىلەتىندەي دارەجەگە جەتۋى كەرەك.
«اقشا تولەسەڭ كەز كەلگەن بوكسشى كەز كەلگەن الەمنىڭ نۇكتەسىنە بارادى. اقشا دەپ ەدى، مەيۆەزەر ماكگرەگورمەن شىعىپ كەتتى عوي. مىقتىلار وزدەرىنىڭ شارتتارىن قويادى. ءبىزدىڭ ماقسات - ەسەپسىز توبەلەستىرە بەرۋ ەمەس، قازاقستاندىق بوكسشىلاردى كوتەرۋ. توقسانىنشى جىلداردان بەرى قازاقستاندىق بوكسشىلاردى باقىلاپ ءجۇرمىن. سەگىز بوكسشىمەن جۇمىس ىستەدىم. مەنىڭ ارمانىم - كەزدەسۋدى ءبىزدىڭ شارتتارمەن وتكىزۋ» ، - دەپ ءتۇيدى نەلسون لوپەس.
ەسكە سالا كەتسەك، 9 - قىركۇيەكتە استاناداعى «سارىارقا» ۆەلوترەگى عيماراتىندا قانات يسلام (24-0, 19كو) كانادالىق برەندون كۋكپەن (18-0, 11ك و) جۇدىرىقتاسادى. بوكسشىلار ءبىرىنشى ورتا سالماقتاعى IBF تيتۋلىنا ۇمىتكەرلىك ءۇشىن تالاسادى. وسى جەكپە- جەكتىڭ اندەركارتىندا 8 قازاقستاندىق بوكسشى ونەر كورسەتەدى. ولار - جاڭقوش تۇراروۆ (21-0, 15ك و) ، جانىبەك ءالىمحان ۇلى (1-0, 1ك و) ، مەيىرىم نۇرسۇلتانوۆ (3-0, 2ك و) ، رۋسلان مىرساتايەۆ (3-0, 3ك و) ، ءالي احمەدوۆ (7-0,5ك و) ، ايدوس ەربوسىن ۇلى (6-0, 6ك و) ، ديماش نيازوۆ (11-0-3, 5ك و) جانە نۇرسۇلتان جاڭابايەۆ (2-0, 1ك و) . بارلىق بوكسشىلارىمىز وسى ۋاقىتقا دەيىن بىردە- ءبىر رەت جەڭىلمەگەن.
