شەكارادا اتىلعان وق: كونترابانديستەردىڭ بارلىعى ۇستالدى
ۇلتتىق قاۋىپسىزدىك كوميتەتى ءتوراعاسىنىڭ ورىنباسارى، شەكارا قىزمەتىنىڭ ديرەكتورى دارحان ءدىلمانوۆتىڭ ايتۋىنشا، ولار قىرعىزستاننان كەلگەن كونتراباندالىق جۇكتى، ياعني جىلقىنى شەكارادان زاڭسىز وتكىزبەك بولىپ، قورشاۋلاردى بۇزعان.
«زاڭبۇزۋشىلىققا قاتىسقان بارلىق تۇلعالارعا قاتىستى جانە شەكارا قىزمەتىندەگى ينجەنەرلىك- تەحنيكالىق نىسانعا نۇقسان كەلتىرگەن بارلىق تۇلعالاردىڭ ارەكەتى انىقتالىپ، قازىر ولارعا قاتىستى تەرگەۋ امالدارى جۇرگىزىلىپ جاتىر. جۋىق ارادا بارلىق ناتيجەلەر بەلگىلى بولادى» ، - دەيدى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى.
ەسكە سالايىق، وتكەن جەكسەنبىدە جامبىلداعى قازاق- قىرعىز شەكاراسىندا وق اتىلىپ، ادام ءولدى. شەكارا قورشاۋلارىن بۇزباق بولعان 20 شاقتى ادامدى شەكاراشىلار توقتاتپاق بولادى. الايدا، ولار ساقشىلارعا تاس اتىپ، جاراقاتتايدى. زاڭسىزسىزدىقتى توقتاتۋ ءۇشىن شەكارا قىزمەتكەرى وق اتىپ، ءبىر ادام اجال قۇشادى. قازىر ەكى تاراپقا قاتىستى قىلمىستىق ءىس قوزعالدى. شەكاراشىنىڭ قارۋ قولدانۋ ارەكەتىنىڭ زاڭدىلىعى دا تەكسەرىلمەك.
