مۇگەدەك بويجەتكەن تۋرالى فيلم ءتۇسىرىلدى
ق ر مادەنيەت جانە سپورت مينيسترلىگىنىڭ تاپسىرىسى بويىنشا تۇسىرىلگەن بۇل فيلمنىڭ رەجيسسەرلەرى ءارى ستسەناري اۆتورلارى ءازيزجان زايروۆ پەن مۇحامەد مامىربەكوۆ.
«قىز بەن تەڭىز» فيلمىنىڭ نەگىزى ومىردەن الىنعان وقيعادان تۇرادى. باس كەيىپكەر قىز اردي مۇگەدەك بالالارى بار اتا- انالار قاۋىمداستىعى وڭالتۋ ورتالىعىنىڭ تاربيەلەنۋشىسى دينارا ءشارىپوۆا. اق جارقىن، ەڭبەكقور، كومەك قولىن ءاردايىم سوزۋعا دايىن تۇراتىن دينارا وتە وجەت. فيلمدەگى باس كەيىپكەردىڭ ەسىمى اسەل. ونىڭ بار ارمانى - ماحابباتىن كەزدەستىرىپ، وتباسىن قۇرۋ جانە بالا تابۋ.
«الەۋمەتتىك فيلمدەردى تۇسىرۋدەن ۇققانىم، مۇمكىندىگى شەكتەۋلى جاندارعا كينەماتوگراف ارقىلى كەلگەن ارت- تەراپيانىڭ اسەرى ينكليۋزيۆتى (بارلىعى قامتىلعان) بولاتىنىن ءتۇسىندىم. الەۋمەتتىك باعىتتا تۇسىرىلگەن «بىت يلي نە بىت؟ » جانە «قىز بەن تەڭىز» جوبالارىنان كەيىن ءبىزدىڭ «اكتەرلەرىمىزدىڭ» قالاي وزگەرىپ، وزدەرىنە دەگەن سەنىم پايدا بولعانىن بايقادىم. سونىڭ ارقاسىندا قوعام ومىرىنە يمەنبەي ارالاسۋعا دايىن ەكەندەرى كورىنىپ تۇر.
ءوزىم بالالار ۇيىندە تاربيەلەنگەندەردىڭ ءبىرىمىن. ماعان كەزىندە ومىرگە دەگەن قۇشتارلىقتى ۇيرەتكەن وسى ونەر، كينەماتوگراف. «قىز بەن تەڭىز» فيلمى كورەرمەندەرگە مۇمكىندىگى شەكتەۋلى ادامداردىڭ قانداي قيىندىقتارمەن كەزىگىپ، قانداي قيىندىقتاردى باستان كەشىرىپ وتىرعاندارىن كورسەتەدى. كورەرمەندەر ءبىزدىڭ كەيىپكەرلەردى قورۋ ارقىلى ادام مۇمكىندىكتەرىنىڭ شەكتەۋسىز ەكەنىن تۇسىنەدى جانە وزدەرىنە دەگەن سەنىم ۇلعايا تۇسەدى دەپ ويلايمىن. ءبىز، اۆتورلار، گۋمانيستىك جانە جاسامپاز ماعىنا بەرەتىن بۇل فيلم وتاندىق كورەرمەندەردىڭ عانا ەمەس، سونداي- اق، شەتەلدىكتەردىڭ دە كوڭىلىنەن شىعادى جانە حالىقارالىق كينوفەستيۆالدەردەن ءوز باعاسىن الادى دەپ ۇمىتتەنەمىن. بولاشاقتا تەك وسى سيپاتتاعى فيلمدەردى ق ر مادەنيەت جانە سپورت مينيسترلىگى جانە «قازاقفيلم» كينوستۋدياسىمەن بىرلەسىپ تۇسىرەتىن بولامىن» ، - دەدى ازيزجان زايروۆ.
قازىر جوبا پوستپروداكشن كەزەڭىندە تۇر. فيلمنىڭ تۇسىرىلىمدەرى الماتى قالاسىندا جانە قاپشاعاي جاعالاۋىندا وتكەن. فيلمگە تۇسكەندەردىڭ بارلىعى دەرلىك كاسىبي اكتەرلەر ەمەس، مۇمكىندىگى شەكتەۋلى ادامدار (بتسپ دياگنوزى جانە پسيحيكالىق دامۋ بوگەلىسى بار) . ال باس كەيىپكەردىڭ اپكەسى رولىنە تەاتر جانە كينو اكتريساسى گۇلباھرام بايبوسىنوۆا شاقىرىلعان.
«تۇسىرىلگەن ماتەريالدارعا شىعارماشىلىق توپتىڭ كوڭىلى تولادى. ويتكەنى، ءبارىمىز دە وسى جوباعا بارىمىزدى سالدىق. ءتۇسىرىلىم بارىسىندا ءبىر كادردى بىرنەشە رەت قايتالاپ تۇسىرە بەرگەن كەزدەرىمىز بولدى. ولاي ىستەگەن سەبەبىمىز، كەيىپكەرلەرىمىز قاجەتتى ەموتسيانى جانە كوڭىل- كۇيىن نانىمدى بەرە السا ەكەن دەدىك. ءبىزدىڭ «اكتەرلەرىمىز» بار تالانتىن سالىپ، وزدەرىنىڭ شىعارماشىلىق الەۋەتىن بارىنشا كورسەتە الۋىن قالادىق. ەرتەڭگى كۇنى، فيلمدى كورىپ وتىرعان كورەرمەن فيلمدەگى كەيىپكەرلەردىڭ ينۆا ارباعا تاعىلعانىنا جانى اشىعانىنان ەمەس، ولاردىڭ اكتەرلىك ويىنىنا تاڭ- تاماشا بولعانىنان قول شاپالاقتاسا ەكەن دەگەن ەدىك» ، - دەپ قوستى ازيزجان زايروۆ.
رەجيسسەرلەرى: مۇحامەد مامىربەكوۆ، ءازيزجان زايروۆ
قويۋشى وپەراتورى: تيمۋر يتەنوۆ
رولدەردە: دينارا ءشارىپوۆا، تاحير وماروۆ، قاناعات تاسقارايەۆ، گۇلباھرام بايبوسىنوۆا، ساۋران قاستەيەۆ، المات ادىلبايەۆ جانە باسقالارى.
