جيىرما جاستاعى جىگىت دومبىرانىڭ ەلەكتروندىق نۇسقاسىن جاساپ شىعاردى

ІT مامانى نۇرلان قامباردىڭ ارقاسىندا كەز-كەلگەن ازامات دومبىرانى ۇيالى تەلەفوننان تارتىپ، ءان شىرقاۋىنا بولادى. ۇيرەنگىسى كەلەتىندەر دومبىرانىڭ ەلەكتروندىق نۇسقاسىن تەگىن جۇكتەي الادى، دەپ حابارلايدى قازاقپارات ح ا ا ءتىلشىسى.

ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان ۇلتتىق كودىمىزدى جاڭعىرتۋ ماقساتىندا جاسالعان بۇل جاڭالىق كوپشىلىكتىڭ قىزىعۋشىلىعىن تۋعىزىپ وتىر. «Apple» كومپانياسى ماقۇلداعان بۇل باعدارلامانى جۋىردا عانا ا ق ش- تاعى «Apple» كومپانياسى ماقۇلداتىپ، نۇرلان قامبار اۆتورلىق قۇقىق يەسى اتاندى.

بۇگىندە نۇرلان باۋىرجان ۇلى الماتىداعى سۇلەيمەن دەميرەل اتىنداعى ۋنيۆەرسيتەتتىڭ اقپاراتتىق جۇيەلەر ماماندىعىنىڭ 2 -كۋرسىندا وقيدى. جاستايىنان وقۋدا وزات بولىپ، زەيىنى زەرەك وسكەن نۇرلاننىڭ الداعى ارمانى - اتاقتى ІT مامانى اتانۋ.

دومبىرانىڭ ەلەكتروندىق نۇسقاسىن ويلاپ تاپقان 20 جاسار جىگىتكە بۇل يدەيا استاناداعى ەكسپو كورمەسىنە بارعاندا كەلىپتى. نۇرلاننىڭ بۇل يدەياسىن ىسكە اسىرۋعا «قازاقستاندىق ستيۆ دجوبس» اتانىپ كەتكەن ارمان سۇلەيمەنوۆ اقىل- كەڭەس بەرگەن.

«قازىرگى تاڭدا قازاق جاستارى جاڭاشىلدىققا ۇمتىلىپ، جاڭا تەحنولوگيالاردى يگەرۋگە كۇش سالىپ جاتىر. سولاردىڭ ءبىرى رەتىندە مەن دە ءوز باعىمدى سىناپ كورۋدى ءجون ساناپ، العاشقى ەڭبەگىمدى جۇزەگە اسىرۋعا تىرىستىم. بۇل باعدارلامانىڭ ءبىر ەرەكشەلىگى - دومبىرا ۇيرەنۋگە ءارى دومبىرا جوق جەردە ۇيالى تەلەفوننان كۇي نەمەسە ءان تارتۋعا مۇمكىندىك بەرەدى. اتالعان باعدارلامانى مىنا سىلتەمەدەن تەگىن جۇكتەپ الۋىڭىزعا بولادى»، - دەيدى ونەرتاپقىش.

بۇگىندە ونەرتاپقىش جازعى دەمالىس كەزەڭىن پايدالانىپ، استانا قالاسىنداعى نازاربايەۆ ۋنيۆەرسيتەتىندەگى ІT مامانداردان ارنايى ساباق الىپ ءجۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى