گۇلزيرا ايداربەكوۆا جاڭا كەلىنى جايىندا بار شىندىقتى اشىپ ايتتى
ول ادەتتەگىدەي ىسكەرلىك كەزدەسۋلەرىنە قاتىسىپ، تەلەارنالارعا سۇحبات بەرۋدە. بۇل جولى قايرات نۇرتاستىڭ اناسى جاڭا تۇسكەن كەلىنى جايىندا بار شىندىقتى ايتتى.
گۇلزيرا ۇسەن قىزىنىڭ ايتۋىنشا، اتا سالتتى جاڭعىرتىپ، اۋلادا بەتاشار جاساعانىن ەل اراسىندا تۇسىنبەي جاتقاندار كوپ بولىپتى.
«كەيبىرەۋلەر: «اقشاڭىز جەتپەي قالدى ما؟ نەگە مەيرامحانا ەمەس»، - دەگەن سۇراققا دا جاۋاپ ىزدەدى. ءبىز ءوزىمىز كەلىن بولىپ تۇسكەن كەزدە، ەسىمىزدە كوپ قالاتىن، اعا- جەڭگەلىرىمىزدىڭ تويلارى بولعان كەزدە اۋلادا ءبارى كۇلىپ، ساماۋرىن قويىپ، تاماقتار جاساپ، وتە كوڭىلدى وتەتىن. جولداسىمىز ەكەۋمىز سول كۇندەردى اڭسادىق. بالالارىمىزدىڭ دا ومىرىندە سونداي ەرەكشەلىك بولسا دەگەن سياقتى ويلادىق»، - دەپ ءتۇسىندىردى ايداربەكوۆا.
بۇدان كەيىن گۇلزيرا ۇسەن قىزى جاڭا كەلىنى ايگەرىم جايىندا ويىمەن ءبولىستى.
«ۇلىمنىڭ بەسىنشى سىنىپتان باستاپ جاقسى كورگەن قىزى. بىزگە قاتتى ۇنادى. قالانىڭ قىزى بولعاندىقتان، كىشكەنە ورىسشاعا جاقىن ەكەن. ءبىراق ەندى بارىنشا ۇيرەنىپ جاتىر. ەڭ باستىسى، جۇرەگىندە ارامدىق جوق. «قالاي وسى ەڭبەكتەرىڭىزدى اقتاسام ەكەن؟» دەگەن ءسوزىن ەستىگەن كەزدە جۇرەگىم جارىلۋعا ءسال-اق قالدى»، - دەيدى قايرات نۇرتاستىڭ اناسى.
جاس جۇبايلار قىركۇيەك ايىندا بال ايىنا اتتانادى. اتا-اناسى ءبىز كورمەگەن قىزىقتى بالالارىمىز كورسىن دەپ تىلەك ءبىلدىرىپ جاتىر. الدا الماتىدا جىگىت جاقتىڭ ۇلان اسىر تويى كۇتىلۋدە.
