كىتاپ وقۋعا كەرەك سۇراقتار
ءبىراق، ءبىز ءبىر نارسەنى جاقسى بىلەمىز: باستىسى اقپاراتتىڭ قۇندىلىعى جانە ونى ءتۇسىنۋ مۇمكىندىگى. كىتاپ وقۋ - ءوزىن- ءوزى تانۋعا مۇمكىندىك بەرەتىن ەڭ كەرەمەت قۇرىلعى. ءار كىتاپتان بارىنشا كەرەكتى نارسەنى عانا الۋعا بولادى.
اسىرەسە، كىتاپتى ءتۇسىنۋ ماڭىزدىراق. ويتكەنى، كەيىپكەرلەر، اراداعى اڭگىمەلەر ۇمىتىلۋى مۇمكىن. ءبىراق، ونىڭ نەگىزگى ويى ەستە قالادى. دولورەس دۋكين 1979 -جىلى زەرتتەۋ بارىسىندا ادامدار كىتاپتى وقىپ بولعاننان سوڭ عانا وزىنە سۇراق قوياتىنىن اڭعارعان. ونى باستاماس بۇرىن نەمەسە وقۋ بارىسىندا وزىنە سۇراق قوياتىن ادامدار وتە سيرەك كەزدەسەدى. ءبىراق ءۇش ۋاقىتتا دا سۇراق قويا ءبىلۋدىڭ مىناداي جاقسى تۇستارى بار:
بۇل كىتاپتىڭ نەگە كەرەك ەكەنىن ءتۇسىنۋ؛
الدىن- الا بولجام جاساۋ؛
ءماتىننىڭ ساپالىلىعىن باعالاۋ؛
ماتىندەگى كىلتتىك ويلاردى اڭعارۋ؛
بولاشاقتا العان اقپاراتتى قولدانۋ مۇمكىندىگى. كىتاپ وقۋعا دەيىنگى قويىلاتىن سۇراقتار: ءبىر كىتاپتى قولىڭىزعا الىپ، ىڭعايلى جايعاسىپ الدىڭىز. دەگەنمەن، كىتاپتى قابىلداۋعا مۇمكىندىك بەرەتىن مىنانداي بىرنەشە ساۋالدارعا جاۋاپ بەرىپ كورىڭىز:
كىتاپتىڭ اتاۋى مەن وقيعا جەلىسىندە قانداي بايلانىس بولۋى مۇمكىن؟
كىتاپ نە تۋرالى؟ نەگە ولاي ويلايمىن؟
بۇل شىنايى بولعان وقيعا ما الدە اۆتوردىڭ ويىنان تۋعان با؟
بۇل كىتاپتى نەگە وقىپ وتىرمىن؟
بۇل كىتاپ تۋرالى نە بىلەمىن؟
قانداي بولجام جاساي الامىن؟ كىتاپ وقۋ بارىسىندا تۋىندايتىن سۇراقتار: كىتاپ وقۋ بارىسىندا بىرنەشە رەت دەمالىپ الىڭىز. ءوزىڭىز وقىعان بولىككە قاتىستى سۇراقتار قويىڭىز:
وقىعان بولىگىمنەن نە ءتۇسىندىم؟
نەگىزگى يدەياسى قانداي؟
اۆتور مەنىڭ قيالىمدا قانداي بەينە تۋعىزۋعا سەبەپشى بولدى؟
بۇل بولىكتى قايتا وقۋ كەرەك پە؟
كەيىپكەر ءىس- ارەكەتى دۇرىس پا؟
كەيىپكەردىڭ كوڭىل- كۇيى قانداي؟
ونىڭ ورنىندا بولسام نە ىستەر ەدىم؟
بۇل جاعداي مەنىڭ باسىمدا كەزدەسۋى مۇمكىن بە؟
وقىعانىڭىزدى ءوز سوزىڭىزبەن جەتكىزىپ كورىڭىز. كىتاپ وقىپ بولعاننان سوڭ قويىلاتىن سۇراقتار:
وقيعانىڭ ءمانى مەن ويلاعاننان تەرەڭدە مە؟
اۆتور وزىنە قانداي ساۋالدار قويا ءبىلدى جانە وعان جاۋاپتى تاپتى ما؟
اۆتوردىڭ كوزقاراسى قانداي بولدى؟
جالعاسى بولسا قالاي بولار ەدى؟
وقيعالاردىڭ ىشىندەگى ەڭ ماڭىزدىسى قايسىسى؟ بۇل سۇراقتار تەك كىتاپ وقۋعا مۇمكىندىك بەرىپ قانا ويماي، ودان بار كەرەكتىنى الىپ، تەرەڭ ءمانىن تۇسىنۋگە سەپتىگىن تيگىزەدى.
