ءاربىر ستۋدەنت نەنى ءبىلۋ كەرەك؟
ءبىراق ولار ءاربىر ستۋدەنت اتانعان جاننىڭ نەنى ءبىلۋ كەرەكتىگىن بىلە بەرمەيدى.
ستۋدەنتتىك بيلەت پەن سىناق كىتاپشاسى
سوڭعى كەزدەرى سىناق كىتاپشاسىنىڭ ورنىن ەلەكتروندى نۇسقاسى باسىپ، قولدانىستان قالعان. ءبىراق قولدانىستان قالعانىمەن ءالى دە پايدالاناتىن جوعارى وقۋ ورىندارى بار. ستۋدەنتتىك بيلەت پەن سىناق كىتاپشاسى ءسىزدىڭ جەكە كۋالىگىڭىز سەكىلدى. تەك كۋالىكتەن ايىرماسى ول ءسىزدىڭ ستۋدەنت ەكەنىڭىزدى راستايتىن قۇجات.
كىمنىڭ كىم ەكەنىن ءبىلۋ
بۇل وتە ماڭىزدى. سەبەبى ءسىز ءوزىڭىز وقىپ جاتقان وقۋ ورىننىڭ باسشىلىعىن، ونىڭ ىشىندە رەكتور مەن پرورەكتورلار، قالا بەردى دەپارتامەنت ديرەكتورلارىن ءبىلۋ كەرەك. ەڭ كەرەگى فاكۋلتەتىڭىزدە قانشا كافەدرا بار، باسشىلارى كىم، دەكانىڭىز، دەكان ورىنباسارلارىن جاتقا ءبىلىڭىز. بۇل سانالى ستۋدەنتكە ءتان قۇبىلىس.
ءسىزدىڭ جەكە قۇقىڭىز بەن مىندەتتەرىڭىز
ەلىمىزدەگى جەكە باس زاڭىنا سايكەس، ءاربىر ۋنيۆەرسيتەتتىڭ ىشكى كودەكستەرى بولادى. وندا ءسىزدىڭ قۇقىڭىز بەن مىندەرتتەرىڭىز جازىلادى. مۇنى جاتقا بىلگەن دە جاقسى. سەبەبى ءتۇرلى جاعدايلار ورىن العان كەزدە تالاپ ەتە الاسىز، قاتەلىگىڭىزدى تۇسىنەسىز.
ساباق كەستەسى
مەكتەپ قابىرعاسىندا جۇرگەن كەزدە ساباق كەستەسىن قالاي جاتقا بىلسەڭىز، مۇندا دا تۋرا سونداي. تەك اراسىندا كەستەدەگى ساباقتاردىڭ ۋاقىتى وزگەرىپ، وقىتۋشىلار اۋىسى مۇمكىن. سوندىقتان ءجىتى باقىلاۋدا ۇستاڭىز.
قابىلەتىڭىزدى كورسەتە ءبىلىڭىز
مەكتەپ قابىرعاسىندا وينادىق، بيلەدىك، ءان سالدىق ەندى ولاردى قالدى دەپ تاستاپ كەتپەڭىز. ءسىزدىڭ ونەرىڭىزدىڭ شىڭدالاتىن جەرى وسى ج و و. سوندىقتان جان- جاقتى بولۋعا، ءوزىڭىزدى كورسەتۋگە تىرىسىڭىز.
جاڭالىقتاردى ءبىلىپ ءجۇرىڭىز
ۋنيۆەرسيتەت ىشىندە بولسىن، سىرتىندا بولسىن بارلىق جاڭالىقتاردان حاباردار بولىپ ءجۇرىڭىز. ءتۇرلى وزگەرىستەر سىزگە كەرىسىنشە اسەر ەتۋى مۇمكىن. سوندىقتان بالا ەمەسسىز، كەز كەلگەن دۇنيەنى باقىلاۋدا ۇستاۋ جانە ونىمەن جۇمىس جاساۋ ءسىزدىڭ، ياعني ستۋدەنتتىڭ باستى مىندەتى.
Massaget.kz
