استانادان باسپانا الۋ ءۇشىن جالاقىڭىز قانشا بولۋى كەرەك؟

«مەنىڭ ويىمشا، 40 مىڭ تەڭگەدەن جينايتىن ادامنىڭ جالاقىسى شامامەن 140-150 مىڭ تەڭگە بولۋى كەرەك. ارينە، پاتەر الۋعا نيەتتى ادام بارىنشا ۇنەمدەۋگە كىرىسۋى كەرەك، ياعني ويىن-ساۋىقتى، مەيرامحانالار مەن ءدامحانالاردى ۋاقىتشا ۇمىتۋعا تۋرا كەلەدى. بۇل تۇرعىدا نە باسپانا، نە ويىن-ساۋىق دەگەن تاڭداۋ تۇرادى»، - دەدى يبراگيموۆا «نۇرلى جەر» باعدارلاماسىن جۇزەگە اسىرۋ بارىسىنا ارنالعان ۇكىمەتتەگى باسپا ءسوز ءماسليحاتىندا.

سونىمەن قاتار ول دەپوزيتكە سالىمدار بويىنشا قانشا سىياقى تاعايىندالاتىنىن ايتىپ بەردى. «ەگەر ادام ءبىر دەپوزيتكە ەڭ جوعارى سوما 40 مىڭ تەڭگەنى ءبىر جىل بويى اي سايىن سالسا، وندا ول 480 مىڭ تەڭگە جينايدى. بۇل سوماعا مەملەكەتتىك سىياقى رەتىن 96 مىڭ تەڭگە قوسىلادى، تاعى ەكى پايىزدى بانك ەسەپتەيدى. جالپى، ول ءبىر جىلدا 600 مىڭ تەڭگەگە تارتا، ال ءۇش جىلدا 1,8 ميلليون تەڭگە جينايدى»، - دەپ ءتۇسىندىردى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى