سەمەيدە ەكى قارجى پيراميداسى انىقتالدى
ونى سەمەي قالاسىنىڭ ءۇش تۇرعىنى (46 جانە 47 جاستاعى ەكى ايەل) ۇيىمداستىرعان. ولار ساۋدا ۇيلەرىنىڭ بىرىنەن كەڭسەنى جالعا العان. ازىرگە ەكى پيراميدانىڭ قىزمەتىنەن كەلگەن شىعىن كولەمى 700 مىڭ تەڭگەگە باعالانىپ وتىر. الاياقتاردىڭ قۇربانىنا اينالعاندار 57 جاستاعى جانە 56 جاستاعى ايەلدەر.
زالال مولشەرى جانە الدانعان ادامداردىڭ سانى بۇدان دا كوپ بولۋى مۇمكىن. ازىرگە ەكى ادامنان عانا ارىز ءتۇستى، دەپ ناقتىلادى ءى ءى د.
ق ر ق ك 217-بابى بويىنشا قىلمىستىق ءوندىرىس پروتسەسسۋالدىق شەشىم قابىلداۋ ءۇشىن سوتقا جىبەرىلدى.
«بۇل قارجى پيراميداسىنىڭ قاعيداتى - قارجى ۇيىمنىڭ وكىلدەرى قىسقا مەرزىمدە اۋقىمدى تابىس تابۋعا ۋادە بەرىپ، ادامداردى جاپپاي تارتادى. بۇل رەتتە بىردە-ءبىر ۇيىم، بىردە-ءبىر بانك قىسقا مەرزىمدە مۇنداي تابىسقا جەتە المايتىنىنا سەندىرەدى. ەگەر ادام ءوز قاراجاتىن سالسا، پايىزدىق ستاۆكا سالىمشى ءۇشىن وتە پايدالى ەكەنىن ايتادى»، - دەدى ش ق و ءى ءى د باسپا ءسوز قىزمەتىنىڭ وكىلى ايگەرىم نۇرعازينا.
ۇيىم وكىلدەرى، ءبىر قاراعاندا، وتە ساۋاتتى، كليەنتكە اقپاراتتى جەڭىل جەتكىزىپ، ادەمى بۋكلەتتەر كورسەتەدى. تابىستىڭ ءوسۋ سەرپىنىن تۇسىندىرەدى. كليەنتكە اقشا سالعاننان ەش قاۋىپ جوقتىعىن ايتادى. كليەنتتەردىڭ قالاي اقشا تابۋعا بولادى، قاراجاتتى قايدا سالادى دەگەن سۇراقتارىنا ناقتى ءارى انىق جاۋاپ بەرە الماسا دا، «مىقتى» ارىپتەستەرى، «جوعارى تابىستى» جوبالارى جايلى اڭگىمەلەر ايتا باستايدى، دەپ اتاپ ءوتتى پوليتسيادان.
