قازاق مىس پەن قازمىرىشقا قاتىستى مونوپولياعا قارسى تەرگەۋ ءجۇرىپ جاتىر
ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى قورعاۋ جانە تۇتىنۋشىلاردىڭ قۇقىقتارىن قورعاۋ كوميتەتىنەن حابارلاعانداي، اتالمىش سەرىكتەستىكتەردىڭ ءىس-قيمىلىندا «ساۋدا-كولىك كومپانياسى» ج ش س- عا كۇكىرت قىشقىلىن جەتكىزۋ نارىعىندا كارتەل بەلگىلەرى بايقالدى. بۇل كۇكىرت قىشقىلىنا باعانىڭ بەلگىلەنۋىنە، بايقاۋ قورىتىندىلارىن بۇرمالاۋعا، تاۋار نارىعىن اۋماقتىق قاعيدات بويىنشا بولۋگە الىپ كەلگەن.
«كەلىسۋ كوميسسياسىنىڭ وتىرىسى ءوتتى. باسىم داۋىسپەن قازاق مىس پەن قازمىرىش وكىلدەرىنىڭ ەسكەرتۋلەرى مەن ۇسىنىستارىن ەسكەرە وتىرىپ، تۇجىرىم جوباسىن پىسىقتاۋ ۇسىنىلدى»، - دەپ حابارلادى كوميتەتتەن.
كارتەل - مونوپوليستىك بىرلەستىك نەمەسە كەلىسىم نىسانى. كەلىسۋ وبەكتىسى باعا بەلگىلەۋ، ىقپال ەتۋ سالاسى، ساتۋ جاعدايى، پاتەنتتەردى پايدالانۋ، ءوندىرىس كولەمىن رەتتەۋ، ءونىمدى وتكىزۋ شارتىن كەلىسۋ، جۇمىسشىلاردى جالداۋ بولۋى مۇمكىن. نارىق تەتىكتەرىنىڭ جۇمىسىن قيىنداتادى. ءبىرقاتار ەلدەردە كارتەلگە تىيىم سالىنعان.
