اتى شۋلى تولەشوۆتىڭ جەرلەرى مەن ۇيلەرى مەملەكەتكە ءوتتى

ونىڭ سوزىنشە، قالا اكىمدىگىنىڭ بالانسىنا توقتار تولەشوۆتىڭ يەلىگىندەگى 12 وبەكت، 8 جەر تەلىمى مەن 4 كوتتەدج وتكەن.

- ءتورت كوتتەدجدىڭ ەكەۋى قالالىق ءبىلىم بولىمىنە بەرىلدى. وندا ونەر مەكتەبى اشىلادى. بىرەۋى سۇرىلەدى. بىرەۋىن وتباسى ءالى بوساتقان جوق. جەر تەلىمدەرى ەڭبەكشى اۋدانىندا ورنالاسقان، «جەڭىس» ساياباعىنىڭ ماڭىندا. ول جەرلەردىڭ ورنىنا بولاشاقتا كوپ قاباتتى تۇرعىن ۇيلەر سالىنادى. توقتار تولەشوۆتىڭ مەنشىگىندەگى «فوسفور» سارايىنا قاتىستى سوت پروتسەسى ءالى ءجۇرىپ جاتىر، - دەيدى ايگەرىم جۇماعۇلوۆا.

سەگىز جەر تەلىمى مەن ءتورت كوتتەدجگە قاتىستى سوت شەشىمى تامىز ايىنىڭ باسىندا شىققان.

«شىمكەنت سىرا» زاۋىتىنىڭ يەسى بولعان كاسىپكەر توقتار تولەشوۆ 2016-جىلى قاڭتاردىڭ 30 ىندا شىمكەنت قالاسىندا تۇتقىندالعان.

بيزنەسمەنگە «قىلمىستىق توپ قۇرىپ، بيلىكتى باسىپ الماق بولعان» جانە «جەر داۋىنا قاتىستى ميتينگىلەردى قارجىلاندىرعان» دەگەن ايىپتار تاعىلعان. وتكەن جىلعى قاراشانىڭ 7 ءسى كۇنى استانانىڭ مامانداندىرىلعان اۋدانارالىق اسكەري سوتى توقتار تولەشوۆتى 21 جىلعا باس بوستاندىعىنان ايىرۋعا، جازاسىن قاتاڭ رەجيمدەگى كولونيادا وتەۋگە، دۇنيە-مۇلكىن تاركىلەۋگە، مەملەكەتتىك ماراپاتتارىنان ايىرۋعا ۇكىم كەسكەن.

بيىل شىلدەنىڭ 13 ءى كۇنى شىمكەنتتىڭ ەڭبەكشى اۋداندىق سوتىندا تۇرمەدە وتىرعان تولەشوۆتىڭ جانە ونىڭ «سىبايلاستارى» دەپ تانىلعان سەگىز ادامنىڭ ۇستىنەن «سالىقتان جالتارعان» جانە «پارا بەرگەن» دەگەن ايىپپەن ەكىنشى سوت پروتسەسى باستالعان.

ۆيدەو: توقتار تولەشوۆكە شىققان سوت ۇكىمى (07.11.2016)

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى