تەڭگە باعامى كۇرت وسپەيدى - ساراپشىلار

شىلدە ايىندا قاۋىمداستىق وكىلدەرى العاش رەت ساۋالناما ۇيىمداستىرعان بولاتىن. قىسقا ۋاقىت ارالىعىندا ماماندار 20 ساراپشىدان پىكىر الىپ ۇلگەردى.

ول كەزدە تەك ءار بەسىنشى ساراپشىنىڭ بولجامى ورىندالدى. بولجامداردىڭ دالدىگى %17,8. قارجىگەرلەر قاۋىمداستىعى بۇل زەرتتەۋلەردىڭ قارجى نارىعى قاتىسۋشىلارىنىڭ كوڭىل-كۇيىن انىقتاۋعا مۇمكىندىك بەرەتىنىن ايتتى. تامىزدا جۇرگىزىلگەن ساۋالناماعا 28 ساراپشى قاتىسقان.

«ءبىز ولاردىڭ اتىن ايتپايمىز. ولاردىڭ بارلىعى قارجى ۇيىمدارىنىڭ تالداۋ ءبولىمىنىڭ باسشىلارى، بانكيرلەر، بروكەرلەر، ساقتاندىرۋ كومپانيالارىنىڭ اناليتيكتەرى. ايدىڭ باسىندا قاۋىمداستىق مۇشەلەرىنە ارنايى حابارلاما جىبەرگەن بولاتىنبىز. ولاردىڭ ءبارى بىردەي بەلسەندى ەمەس. قاۋىمداستىقتا 171 ۇيىم تىركەلگەن بولسا، بىزبەن تەك 70-80 ادام عانا جۇمىس جاسايدى»، - دەدى قاۋىمداستىق وكىلى.

زەرتتەۋ جۇمىستارىنا قاتىسقان ساراپشىلاردىڭ ايتۋىنشا، جاقىن ارادا تەڭگەنىڭ كۇرت وزگەرىسى مەن مۇناي باعاسىنىڭ كۇرت جوعارلاۋى بولمايدى. ورتاشا كورسەتكىشپەن ايتقاندا، ساراپشىلار ايدىڭ سوڭىندا تەڭگە باعامى 333,9 بولادى دەپ بولجانۋدا.

جىل سوڭىنا دەيىن تەڭگە باعامى 335-339,8 اراسىندا بولادى. قازىر مۇنايدىڭ 1 باررەلى 51 تەڭگە بولسا، اي سوڭىنا قاراي 52,5 دوللار بولادى دەيدى ماماندار.

ساراپشىلاردىڭ ايتۋىنشا، رۋبل باعامى دا تومەندەي قويمايدى. قازىر 59,8 بولسا، 60,4 دەيىن كوتەرىلۋى مۇمكىن. جىل سوڭىنا دەيىن مۇناي باعاسى باررەلىنە 53,9 تەڭگە بولىپ قالسا، رۋبل باعامى 62,3-تەن اسپايدى.

قازاقستان قارجىگەرلەر قاۋىمداستىعى جاقىن ارادا ساۋالناما نەگىزىندە جاسالعان زەرتتەۋ جۇمىسىنىڭ تولىق نۇسقاسىن جاريالايدى. بولاشاقتا قاۋىمداستىق ساۋالناما تاقىرىبىن كەڭەيتىپ، ج ءى ءو، ينفلياتسيالىق كۇتۋلەر، جۇمىسسىزدىق دەڭگەيى سالالارىن دا قوسپاق.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى