قانات يسلام الەمدىك بوكس كەڭەسىنىڭ رەيتينگىندە ەكى ساتىعا كوتەرىلدى

جاڭارتىلعان رەيتينگىدە قانات 21- ورىندا، ال قارسىلاسى برەندون كۋك (18-0, 11 ك و) 19- ورىنعا جايعاسقان. ەكىنشى جارتىلاي جەڭىل سالماقتاعى WBC International تيتۋلىنىڭ يەگەرى بەكمان سويلىبايەۆ 25- ورىننان، ءبىرىنشى اۋىر سالماقتاعى يسا اقبەربايەۆ 37- ورىننان كورىندى.

ايتا كەتەيىك، قانات يسلام WBC ۇيىمىنىڭ رەيتينگىنە العاش رەت اعىمداعى جىلدىڭ ماۋسىم ايىندا ىلىگىپ، 25- ورىندا بولعان. ال شىلدە ايىنىڭ جاڭارتىلعان رەيتينگىسىندە قانات 23- ورىنعا جايعاسقان. بۇل كۇندە قانات ءبىرىنشى ورتا سالماقتا WBA ءنۇسقاسى بويىنشا Inter- Continental جانە Fedelatin, WBO Inter- Continental جانە NABO تيتۋلىنىڭ يەگەرى اتانىپ وتىر.

ال بۇل سالماقتا WBC جانە IBF نۇسقاسى بويىنشا الەم چەمپيونى امەريكالىق دجەرمەلل چارلو جانە دجاررەتت حيەردكە، WBA جانە IBO تۇجىرىمى بويىنشا سۋپەر چەمپيون جانە تۇراقتى الەم چەمپيونى تيتۋلى كۋبالىق ەريسلاندي لاراعا تيەسەلى.

ساۋل الۆارەس ءبىرىنشى ورتا سالماقتان ورتا سالماققا اۋىسقاننان كەيىن، WBO نۇسقاسى بويىنشا چەمپيوندىق اتاقتى 26 -تامىز كۇنى كۋبالىق ميگەل كوتتو جانە جاپوندىق يوشيحيرو كامەگاي ساراپقا سالادى. ەسكە سالا كەتەيىك، 9 -قىركۇيەكتە قانات يسلام استاناداعى «سارىارقا» ۆەلوترەگى عيماراتىندا كانادالىق برەندون كۋكپەن جۇدىرىقتاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى