قىتايدا عالامتورعا تاۋەلدى بالالاردى قالاي ەمدەيدى
بالانىڭ دەنەسىندە كوپتەگەن جارا ىزدەرى بولعان. قازىر قىزمەتكەرلەرى ۇستالىپ، وڭالتۋ ورتالىعىنىڭ ءوزى ۋاقىتشا جابىلدى.
قىتايدا عالامتورعا تاۋەلدىلىكتەن ەمدەۋ ورتالىقتارى كوپ سۇرانىسقا يە. ولاردىڭ كەيبىرىندى اسكەردەگىدەي قاتاڭ ءتارتىپ.
مارقۇم بالانىڭ اناسى ليۋ بالاسىنىڭ عالامتورعا تاۋەلدى بولىپ قالعانىن، سوندىقتان ونى ەمدەۋ ءۇشىن ارنايى ورتالىققا وتكىزگەنىن ايتادى. ورتالىقتىڭ جارناماسىندا «پسيحولوگيالىق كەڭەس بەرىپ، فيزيكالىق دايىندىقتان وتكىزەمىز» دەپ جازىلعان. الايدا ەكى كۇننەن سوڭ قىزمەتكەرلەرى حابارلاسىپ، بالانى اۋرۋحاناعا اپارۋىن سۇراعان. 18 جاستاعى جەتكىنشەك العان جاراقاتتارىنان ەمحانادا كوز جۇمدى.
كوپتەگەن وڭالتۋ ورتالىقتارىن، ماسەلەن، پەكيندەگى اسكەري ەمحانادا تاۋەلدىلىكتەن ارىلتۋ ءۇشىن ەنسەفالوگرامما جاسالادى
ءولىمنىڭ ناقتى سەبەبى بەلگىسىز. اناسى بالاسىنىڭ دەنەسىن ءمايىتحانادا كورگەن. ول دەنەسىندە كوپتەگەن جاراقات ءىزى بولعانىن ايتتى. ورتالىققا اپارعانعا دەيىن بالانىڭ دەنەسىندە ەشقانداي ءىز بولماعان.
بۇل وقيعا جەلىدە قىزۋ تالقىلاندى. قولدانۋشىلار بۇعان تاربيەنىڭ جەتىسپەۋى سەبەپ ەكەنىن ايتتى. كوپشىلىكتىڭ ايتۋىنشا، اتا-انالار ءىستى ءوز قولىنا العاننان گورى سىرتتان كومەك كۇتەدى.
ەلدەگى مۇنداي وڭالتۋ ورتالىقتارىنىڭ كوبى مەملەكەتتىك ەمحانا رەتىندە اشىلادى. ولارعا جەكە تۇلعالار دەمەۋشىلىك كورسەتىپ جاتادى.
بىلتىرعى جىلى الدەبىر بويجەتكەننىڭ ءوزىن وڭالتۋ ورتالىعىنا وتكىزگەنى ءۇشىن اناسىن ولتىرگەنى جايلى حابارلانعان ەدى. ورتالىقتا قىزعا دا كۇش كورسەتىپ قيناعان.
مامانداردىڭ ايتۋىنشا، ورتالىق جارناماسىن ماقتاپ جازعاندىقتان، كوپ ادام سوعان سەنىپ قالادى.
قىتاي بيلىگى قاتىگەزدىك تانىتىپ، توقپەن تەراپيا جاسايتىن مۇنداي ورتالىقتاردىڭ جۇمىسىن تەكسەرە باستادى. كومپانيا جاسوسپىرىمدەردىڭ ونلاين ويىندارعا كىرۋىنە تىيىم سالدى.
