استانالىقتار بۇگىن دەنساۋلىقتارىن تەگىن تەكسەرۋدەن وتكىزە الادى
ءاربىر قالا تۇرعىنى مەن قوناقتارىنا «كەرۋەن» جانە «ەۆرازيا» ساۋدا ورتالىعىنىڭ اۋماعىندا تەز ۋاقىتتا تەگىن تەكسەرۋدەن ءوتۋ مۇمكىندىگى ۇسىنىلدى. وندا كۇنى بويى ءار ءتۇرلى باعىتتاعى ماماندارمەن شاعىن دارىگەرلىك كابينەتتەر (كارديولوگ، ونكولوگ، ەندوكرينولوگ، دەرماتوۆەنەرولوگ، پسيحولوگ، نۋتريتسيولوگ) جۇمىس ىستەدى.
بۇل كۇنى بارلىق ىنتا بىلدىرگەندەر الدىن الۋ ماسەلەسى بويىنشا جانە اۋرۋدى ەرتە انىقتاۋ، قورشاعان ورتانىڭ ءار ءتۇرلى فاكتورلارىنىڭ زياندى اسەرىن تومەندەتۋ، دۇرىس تاماقتانباۋ تۋرالى كەڭەستەر الۋعا مۇمكىندىكتەرى بولدى. سونىمەن قاتار، قانداعى گليۋكوزا جانە حولەستەرين دەڭگەيىن انىقتاۋ، قان قىسىمىن ولشەۋ، ماي تكانىنىڭ دەنە بۇلشىق ەتتەر سالماعىن ەسكەرۋمەن ءوز دەنە سالماعىنىڭ يندەكسىن ءبىلۋ، سونىمەن قاتار باسقا مەديتسينالىق قىزمەتتەردى پايدالانۋ مۇمكىندىگى بولدى.
دەنساۋلىقتىڭ الەۋمەتتىك جانە ەكولوگيالىق دەتەرمينانتار، دەموگرافيالىق جاعدايلار جانە تۇرمىستىق سالتتىڭ وزگەرۋىلەرى اۋرۋدىڭ اۋىرتپالىعىن وزگەرتتى: قازىرگى كۇنى اۋرۋلاردىڭ اۋىرتپالىقتىڭ نەگىزگى بولىگى ءولىم- ءجىتىم جانە ينفەكسيالىق ەمەس اۋرۋلاردىڭ بەسەۋىنە كەلەدى - جۇرەك- قان جولدارى، ونكولوگيا، سوزىلمالى رەسپيراتورلىق اۋرۋلار، پسيحيكانىڭ بۇزىلۋى جانە ديابەت.
بۇنىڭ الەۋمەتتىك- ەكونوميكالىق سالدارى بار جانە دەنساۋلىق ساقتاۋ جانە ەلدى دامىتۋ جولىندا تولىق كەدەرگى تۋدىرادى.
جالپى ءولىم- ءجىتىم قۇرىلىمىندا %50 اسا قان اينالىم جۇيەسىنىڭ اۋرۋلارى (و ن م ك، ينفاركت ميوكاردا)، قاتەرلى ىسىكتەر، جازاتايىم ۋاقيعالار، جاراقاتتار مەن ۋلانۋلار قۇرايدى.
