قىتايداعى قازاق بوكسشىنىڭ ادىلەتسىز جەڭىلىسى جانكۇيەرلەردىڭ نارازىلىعىن تۋدىردى - كەسكىن

ەرلەر اراسىنداعى 75 ك گ سالماقتا حۋبي پروۆينسياسىنىڭ سپورتشىسى ۆەن ينحاڭ جانە شىنجاڭ اۆتونوميالىق ولكەسىنىڭ بوكسشىسى، ۇلتى قازاق توقتاربەك تاڭلاتحان ۇلى قولعاپ ءتۇيىستىردى. اقتىق باسەكەنى قىتايدىڭ ورتالىق تەلەارناسى CCTV-5 سپورتتىق كانالى تىكەلەي ەفيردە كورسەتتى. 5 راۋندقا سوزىلعان جەكپە-جەكتە توقتاربەك قارسىلاسىنا جويقىن سوققىلارىن ءدال تيگىزىپ، ايقىن باسىمدىلىق كورسەتكەندىگىن بايقاۋعا بولادى. قىتايلىق كومەنتاتورلار توقتاربەكتى «ايقىن باسىمدىلىقپەن جەڭىسكە جەتتى»، -  دەگەن قورىتىندى جاساعان تۇستا، تورەشىلەر جەڭىستى 5:0 ەسەبىمەن ۆەن ينحاڭعا بەردى.

تورەشىنىڭ اشىق ادىلەتسىزدىگىنە قىتايلىق بوكس جانكۇيەرلەرى ءوز نارازىلىعىن ءبىلدىردى.

ايتا كەتەيىك، شىڭجاڭ- ۇيعىر اۆتونوميالىق ولكەسى ۇيعىر، قازاق جانە باسقا 13 ۇلتتار مەكەن ەتىپ وتىرعان جەر. قازاقستاندىق تانىمال كاسىپقوي بوكسشى قانات يسلام وسى ءوڭىردىڭ قازاقتار شوعىرلانعان التاي ايماعى قابا اۋدانىندا دۇنيەگە كەلىپ، جاستايىنان شىنجاڭ بوكس قۇراماسى ساپىندا ونەر كورسەتكەن. بۇل كۇندە شىنجاڭ بوكسشىلارى قىتاي اتىنان حالىقارالىق باسەكەلەردە جانە وليمپيادا ويىندارىندا توپ جارىپ كەلەدى.

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى