جۇمىسقا تۇرعىزبادى دەپ ايىپتاعان تۇلەككە «بولاشاق» وكىلدەرى جاۋاپ قاتتى
ورتالىق وكىلدەرىنىڭ رەسمي ساۋالعا بەرگەن جاۋابىندا گۇلميرا جابايەۆانىڭ ءوتىنىشىنىڭ قارالعانى ايتىلادى. ورتالىقتاعىلاردىڭ ايتۋىنشا، 2009 -جىلدىڭ 20 -شىلدەسىندەگى كەلىسىمشارتقا سايكەس، ورتالىق تۇلەكتى جۇمىسپەن قامتاماسىز ەتۋگە مىندەتتى ەمەس.
سونداي-اق، «حالىقارالىق باعدارلامالار ورتالىعى» ا ق وكىلدەرى تۇلەكتەردى جۇمىسقا تۇرعىزۋ جۇمىستارى جۇرگىزىلەتىنىن، ءبىراق ونىڭ تەك بوس جۇمىس ورىندارىنىڭ جارمەڭكەلەرىندە وتكىزىلەتىنىن ايتىپ ءوتتى. ورتالىقتاعىلاردىڭ ايتۋىنشا، ماماندار وسىعان دەيىن گۇلميرا جابايەۆاعا جۇمىسقا كىرۋگە كومەك بەرگەن.
ورتالىق وكىلدەرى «بولاشاق» باعدارلاماسى تۇلەگىنىڭ تۇيىندەمەسىن مەملەكەتتىك جانە مەملەكەتتىك ەمەس كاسىپورىندارعا جىبەرگەن. سونىمەن قاتار، ورتالىق وكىلدەرى گۇلميرا جابايەۆانىڭ وقىعان ماماندىعى بويىنشا ونى بەس جىل ەڭبەكپەن وتەۋ تۋرالى مىندەتىنىڭ تولىقتاي ورىندالماعانىن ايتتى. تۇلەك الەۋمەتتىك جەلىدە جازبانى جاريالاعان سوڭ ورتالىقتىڭ قىزمەتكەرلەرى گۇلميرا جابايەۆاعا تەلەفون سوعىپ، وعان وقىتۋشى ماماندىعى بويىنشا جۇمىسقا تۇرۋ ءۇشىن شوقان ءۋاليحانوۆ اتىنداعى مەملەكەتتىك ۋنيۆەرسيتەتكە بارۋدى ۇسىندى.
الايدا گۇلميرا جابايەۆا قازىرگى ۋاقىتتا شەتەلدىك وقۋ ورنىنا تۇسۋىنە بايلانىستى كەلىسىمشارتتاعى مىندەتتەرىن كەيىن ورىنداعىسى كەلەتىنىن ايتقان. سونداي- اق، تۇلەكتەن ونىڭ مىندەتتەرىن كەيىن ورىنداۋى تۋرالى جانە وقۋىن شەتەلدە جالعاستىرعىسى كەلەتىنى جازىلعانى، وسى ماسەلەنى قاراستىرۋدى سۇراعانى جازىلعان حات كەلدى.
«ايتا كەتۋ كەرەك، كەلىسىمشارتتا كورسەتىلگەن مىندەتتەردى كەيىنگە قالدىرۋ ماسەلەسى رەسپۋبليكالىق كوميسسيانىڭ وتىرىسىندا تالقىلاناتىنى حابارلايمىز»، - دەدى «حالىقارالىق باعدارلامالار ورتالىعى» ا ق وكىلدەرى. سونداي- اق، ولار ۆەدومستۆونىڭ جۇمىسى جابىق تۇردە جۇرگىزىلەتىنى جانە قولجەتىمسىز ەكەنى جايلى ايىپتاۋلارعا جاۋاپ بەردى.
«ورتالىق باسشىلىعىنا كەلىپ تۇسكەن ءوتىنىش جايلى ايتاتىنىمىز، باسشىلىق ازاماتتاردى جەكە قابىلداۋدان باس تارتا المايدى. جەكە ماسەلەلەر بويىنشا تەك سارسەنبى جانە بەيسەنبى كۇندەرى الدىن الا جازبا بويىنشا ساعات 17.00-دەن 18.30-عا دەيىن قابىلدايمىز. ال قالعان كۇندەرى كەزەكپەن قابىلدايمىز. ورتالىق باسشىلىعى ازاماتتاردى كەزەكپەن ەمەس، تەك ءوز تانىستارىن عانا قابىلدايدى دەگەن اڭگىمە نەگىزسىز»، - دەدى «حالىقارالىق باعدارلامالار ورتالىعى» ا ق وكىلدەرى.
Tengrinews.kz
