تانىمال قازاق ءانشىسى قايرات نۇرتاسقا دەگەن رەنىشىن جاسىرا الماي، ەلگە جايىپ سالدى
جۇبانىشتىڭ ايتۋىنشا، ول قايراتقا اعالىق اقىلىن ايتىپ، اندەرىنىڭ ءسوزىن تۇزەۋگە بەت بۇرۋى كەرەك ەكەنىن ايتقان. ءجون سىلتەگەن ونەردەگى اعاسىنىڭ ءسوزىن دۇرىس تۇسىنبەگەن قايرات وعان اسا قۇلاق اسا قويماعان.
«مىسالى قايرات نۇرتاسقا حالىقتىڭ وسىنداي ماحابباتىن پايدالانىپ، اندەرىڭىنىڭ ءسوزىن تۇزە دەدىم. قادىر مىرزاييەۆتىڭ، اقۇشتاپ باقتىگەريەۆانىڭ سوزىنە جازدىر. كۇشتى ەمەس پە؟ وسىلاي اقىلىمدى ايتتىم. ول اقىلىمدى قايرات تىڭدادى ما، تىڭدامادى ما، بىلمەيمىن»، - دەيدى ول.
«.. .ودان كەيىن تاعى بىردەڭەنى ايتىپ ءجۇر. «قاراقالپاقتان كەلگەن بىرەۋدىڭ قاڭسىعى بىرەۋگە تاڭسىق» دەگەن سياقتى بىردەڭەنى ايتتى»، - دەگەن ول قايرات ونىڭ اقىلىن دۇرىس تۇسىنبەگەن دەپ توپشىلادى.
«سەن نەگە ويتەسىڭ دەدىم. وسىلاي اقىل ايتساڭ ولار كورە المايدى دەپ ويلاپ، ودان كەيىن سىرتىڭنان اڭگىمە ايتىپ، جاۋ قىپ جۇرەدى. ەندى سىرتىڭنان ايتىلعان اڭگىمە بولعاسىن ەستيسىڭ عوي ءبارىبىر.
سوسىن انا «اۋىرمايدى جۇرەك» دەگەن ءانى بار عوي. ول 100 پايىز حيت بولاتىن ءان. ونى قايرات نۇرتاس ايتسا دا، باسقا ايتسا دا، كىم ايتسا دا حيت بولاتىن ءان. ماتەريالدىڭ ءوزى سونداي»، - دەپ تۇيىندەدى ءسوزىن ونەردەگى ىنىلەرىنە وكپەلى جۇبانىش جەكسەن ۇلى.
