الاكولدەگى توي كورتەجىنىڭ قاتىسۋشىلارى جازالاندى - كەسكىن
«14 -تامىزدا ءۇرجار اۋداندىق ءىىب جەرگىلىكتى پوليتسيا قىزمەتىندەگىلەر 13 -تامىزدا شامامەن ساعات 19.00-دە دەمالىس اۋماعىنىڭ ماڭىندا جول قوزعالىسى ەرەجەلەرىن بۇزعان بارلىق اۆتوكولىك قۇرالىنىڭ جۇرگىزۋشىلەرىن انىقتادى»، - دەپ حابارلادى ش ق و ءى ءى د وكىلدەرى. 7 كولىكتىڭ جۇرگىزۋشىسىنە قاتىستى ءتۇرلى باپتار بويىنشا اكىمشىلىك حاتتامانىڭ تولتىرىلعانى ايتىلادى. ايىپپۇلدىڭ جالپى سوماسى - 158830 تەڭگە.
ەسكە سالا كەتەيىك، وسىعان دەيىن الاكولدە جاعالاۋدا جۇرگەن توي كورتەجىنىڭ ۆيدەوسى پايدا بولعان ەدى. «قازىرگى ۋاقىتتا اۆتوكولىك يەلەرى ىزدەستىرىلىپ جاتىر. بارلىق ماتەريال جەرگىلىكتى پوليتسياعا جولداندى. قۇقىق بۇزۋشىلار اكىمشىلىك جازاعا تارتىلادى»، - دەپ حابارلاعان ەدى ش ق و ءى ءى د باسپا ءسوز قىزمەتىنىڭ جەتەكشىسى باقىتجان تورعايەۆ.
