قاراعاندىلىق جىگىت ايەلىنىڭ وپاسىزدىعىن تەلەفونداعى ءنومىر ارقىلى ءبىلىپ قويدى
بەلگىلى بولعانداي ايەلىنىڭ تەلەفونىنداعى نومىرلەردى قاراپ وتىرعان جىگىت، ەشقاشان اتىن ەستىمەگەن بەيتانىس ايەلدىڭ ەسىمى جازىلعان ءنومىردى كورىپ قالادى.
بەيتانىس ايەلدىڭ نومىرىنە قوڭىراۋ شالىپ كورمەكشى بولعان جىگىت كەنەتتەن ەكرانعا ارىپتەسىنىڭ سۋرەتى شىققانىن بايقادى.
ايەلىمەن ەكەۋىنىڭ اراسىنداعى جازبالاردى وقىعان جىگىت قاتتى اشۋلاندى. وقيعانىڭ سوڭى ەرلى- زايىپتىلاردىڭ اراسىنداعى ۇلكەن جانجالعا الىپ كەلدى، ناتيجەسىندە جىگىت ايەلىن سوققىعا جىققان.
سودان سوڭ ايەلىمەن بىرگە كوزىنە ءشوپ سالماقشى بولعان ارىپتەسىن جازالاماقشى بولىپ، تۋرا جۇمىس بارىسىندا وعان پىشاقپەن تاپ بەرىپ، كەۋدەسىن جارالاعان. الايدا، دارىگەرلەردىڭ جەدەل كومەك كورسەتۋىنىڭ ارقاسىندا ارىپتەسى امان قالعان.
قاراعاندىلىق زاڭ قىزمەتكەرلەرى ايەلىن قىزعانعان جىگىتتى سەگىز جىل باس بوستاندىعىنان ايىردى. ول جازاسىن قاتاڭ تارتىپتەگى كولونيادا وتەيتىن بولادى.
