ماسكەۋدە قازاقستاندىق كولىك جۇرگىزۋشىلەرىن توناعان كۇدىكتىلەر ۇستالدى
اگەنتتىك مالىمەتىنشە، جۇك كولىگىمەن الىس جولعا ساپارلايتىن قازاقستاننىڭ 43 جاستاعى تۇرعىنى ءساۋىر ايىندا پوليتسياعا جۇگىنگەن. ەر ادامنىڭ ايتۋىنشا، پەرمسكايا كوشەسىندە كولىككە مىنگەن بەلگىسىز ءتورت ادام ولاردىڭ Volvo جۇك كولىگىنە تايانىپ، 74 مىڭ رۋبل مەن 29 مىڭ تەڭگەلەرىن قولدى ەتىپ، ارتىنشا ىزدەرىن جاسىرعان.
«13- تامىز، جەكسەنبى كۇنى پوليتسيا قىزمەتكەرلەرى شۇعىل ارەكەت ەتۋ ارنايى جاساعىنىڭ قولداۋىمەن شەربينكاداعى نەجينسكايا كوشەسىندە ەكى كۇدىكتىنى: ەسىرتكىنىڭ زاڭسىز اينالىمىمەن اينالىسقانى ءۇشىن ەل پوليتسياسىنىڭ ىزدەۋىندە جۇرگەن ازەربايجاننىڭ 57 جاستاعى جانە ارمەنيانىڭ 28 جاستاعى تۋمالارىن ۇستادى»، - دەلىنگەن پوليتسيا حابارلاماسىندا.
