موڭعوليا كوشەلەرىنىڭ ءبىرى وسكەمەن نەمەسە شىعىس قازاقستان اتالۋى مۇمكىن
تاراپتار ءبىلىم، تۋريزم جانە بيزنەس سالاسىنداعى ءوزارا ءتيىمدى ىنتىماقتاستىق ماسەلەلەرىن تالقىلادى.
بۇدان وزگە، موڭعوليا دەلەگاتسياسى تاراپىنان بايان- ولگەي جانە وسكەمەن قالاسىن باۋىرلاس-قالالار ەتۋ ۇسىنىسى جاسالدى، دەپ حابارلايدى «قازاقپارات» ح ا ا ءتىلشىسى.
ش ق و اكىمى باسپا ءسوز قىزمەتىنىڭ مالىمدەۋىنشە، حاتتامالىق كەزدەسۋ بارىسىندا بايان-ولگەي ايماعىنىڭ باسشىسى دانيال احمەتوۆكە ءوز وڭىرلەرىنىڭ تۋريستىك الەۋەتى جانە ونىڭ نەگىزگى ەرەكشەلىگى - بۇركىتشىلەردىڭ ءداستۇرلى حالىقارالىق فەستيۆالى جايىندا ايتىپ بەردى.
عىلىمحان ايىپ ۇلىنىڭ ايتۋىنشا، فەستيۆالدىڭ جارقىن دا ەستە قالارلىق كورىنىسى شىعىس قازاقستان تۇرعىندارىنىڭ دا قىزىعۋشىلىعىن تۋدىرۋى مۇمكىن. سونداي-اق كەزدەسۋ بارىسىندا بايان-ولگەي كوشەلەرىنىڭ ءبىرىن وسكەمەن نەمەسە شىعىس قازاقستان دەپ اتاۋ ۇسىنىسى جاسالدى.
«ءسىزدىڭ باۋىرلاس-قالالار جونىندەگى ۇسىنىسىڭىزدى قولدايمىن. وسكەمەن قالاسىنىڭ اكىمىنە بارلىق قاجەتتى پروتسەدۋرالاردى دايارلاۋ ءۇشىن تاپسىرما بەرەمىن»، - دەدى دانيال احمەتوۆ.
كەزدەسۋ ناتيجەسىندە شىعىس قازاقستان مەن موڭعوليانىڭ بايان-ولگەي ايماعى اراسىندا ءوزارا ىنتىماقتاستىق جونىندەگى مەموراندۋمعا قول قويىلدى.
