استانا اۋەجايى زاڭسىز اۆتوتاسىمالداۋشىلاردى انىقتايتىن جۇيە ەنگىزۋدە

بۇل تۋرالى استانا اكىمدىگىندە وتكەن باسپا ءسوز ءماسليحاتىندا باسقارما باسشىسىنىڭ كولىك جونىندەگى ورىنباسارى رۋستام حاليليەۆ ءمالىم ەتتى.

«ءبىز اۆتوكولىكتىڭ نومىرلىك تاڭبالارىن تانيتىن تەحنولوگيانى ىسكە قوسىپ جاتىرمىز. اۋەجايعا ءجيى كەلەتىن اۆتوكولىك، ياعني زاڭسىز تاسىمالداۋشى اۆتوتۇراقتىڭ العاشقى تەگىن 30 مينۋتىن پايدالانا المايدى. اۋەجايعا 30 مينۋت سايىن قايتا كەلگەن اۆتوكولىكتىڭ ءنومىرى نازارعا ىلىنەدى جانە كولىك جۇرگىزۋشىسىنەن بۇعان دەيىنگى تۇرعان ۋاقىتى ءۇشىن تولەم الىنادى. بۇل زاڭسىز تاسىمالداۋشىلاردان قۇتىلۋعا مۇمكىندىك بەرەتىن ارنايى شارا. قازىرگى ۋاقىتتا بۇل شارا تەحنيكالىق تۇرعىدا ەنگىزىلىپ، تەستىلەۋدەن ءوتىپ جاتىر»، - دەدى رۋستام حاليليەۆ.

ەسكە سالا كەتسەك، «نۇرسۇلتان نازاربايەۆ» اۋەجايى اۋماعىنداعى اۆتوتۇراق باعاسىنىڭ قىمباتتىعىنا قاتىستى تۇسىنىكتەمە بەردى. ونداعى تاريفكە سايكەس، اۋەجاي ماڭىنداعى قىسقا مەرزىمدى اۆتوتۇراقتا 30 مينۋت تەگىن تۇرۋعا بولادى، ءبىر ساعاتقا - 300 تەڭگە، كەلەسى ساعات ءۇشىن - 400 تەڭگە، ودان كەيىنگى ساعاتتارعا 1500 تەڭگەدەن تولەنۋى ءتيىس. ودان بولەك، اۋەجاي ماڭىندا 266 ورىندىق اقىلى جابىق پاركينگ ورنالاسقان. وندا تاۋلىگىنە 2 مىڭ تەڭگە تولەپ، كولىكتەردى ۇزاق مەرزىمگە قالدىرۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى