ءۇش ايەلىمەن ءبىر شاڭىراق استىندا تۇراتىن قىزىلوردالىق باقىتتى ەكەنىن ايتتى - فوتو
ءتىپتى تاڭداپ بەرىپ، تۇرمىستا بولماعان قىزدى توقال بوۋعا كوندىرگەن ەكەن، - دەپ جازدى ك ت ك ارناسىنداعى «گلاۆنايا رەداكسيا باعدارلاماسى.
«ءبىز ۇيلەنگەنىمىزگە بىرنەشە جىل بولعان كەزدە الما باۋىن قولدان جاسادىق. كوشەت وتىرعىزىپ، نەمەرەلەرىمىزگە تابيعي دارۋمەن بولسىن دەدىك. بايبىشەمەن مەكتەپ پارتاسىنان تانىسپىز. بىرگە تۇرىپ جاتقانىمىزعا 40 جىل بولدى» ، - دەيدى وتاعاسى ءابساتتار.
وتاعاسى داستارحان باسىندا ۇنەمى وڭ جاعىنا ءۇش ايەلىن قاتار وتىرعىزادى ەكەن. بايبىشەسى شىناردىڭ جاسى 63 تە. ەكىنشى ايەلى فاتيمانىڭ جاسى 60 تا. كىشى ايەلى كۇلايحاننىڭ جاسى 38 دە ەكەن.
«ۇيدەگى بارلىق تاپسىرمانى ماعان بەرەدى. مەن باسقالارعا ءبولىپ بەرەمىن. ءبىز وتاعاسىن ۇنەمى «پرەزيدەنتىمىز» دەپ قالجىڭدايمىز. ال بىزدەر مينيسترلەرمىز. مىسالى مەن سىرتقى بايلانىستارعا جاۋاپ بەرەمىن. ال فاتيما مەن كۇلايحان ىشكى شارۋالاردى تىندىرىپ وتىرادى» ، - دەيدى ءابساتتار مىرزابەكوۆتىڭ بايبىشەسى شىنار.
«ارينە ءبىز بايبىشەنى قۇرمەتتەيمىز. سەبەبى ول ءبىزدىڭ ورتاق وتباسىمىز ءۇشىن كوپ جۇمىس ىستەگەن. باستىسى ءبىز بارلىعىمىز دا كۇيەۋىمىزدى جاقسى كورەمىز. ال كۇيەۋىمىز بارىمىزگە بىردەي قارايدى» ، - دەيدى ءابساتتار مىرزابەكوۆتىڭ ورتانشى ايەلى فاتيما.
وتاعاسىنا توقال الۋدى بايبىشەسى ۇسىنىپتى. ءابساتتار مىرزا بولسا شىناردى ءوزىنىڭ كەڭەسشىسى دەپ بىلەدى.
«ءوزىم ۇلكەن وتباسىنان شىقتىم. كۇيەۋىم ەكەۋمىزدىڭ دە بالالارىمىز كوپ بولعانىن قالادىم. تاعدىردىڭ جازعانى بولار ءبىر ۇلدى دۇنيەگە اكەلدىم. وسىدان كەيىن جول كولىك اپاتىنا ءتۇسىپ قالدىم. دارىگەرلەر الداعى ۋاقىتتا بالالى بولا المايتىنىمدى ايتتى» ، - دەيدى شىنار انا.
مىنە وسىدان كەيىن شىنار انا ويلانا كەلىپ كۇيەۋىنە ەكىنشى ايەل الىپ بەرۋدى شەشىپتى. سول كەزدە 29 جاستاعى فاتيمانى كۇيەۋىنە تۇرمىسقا شىعۋعا ۇگىتتەگەن.
ءوزى قاتال بولمايتىنىن دا ايتىپتى. ال فاتيما بولسا مۇنداي ۇسىنىستى العاش ەستىگەندە قايران قالعان.
«ءوز كۇيەۋىمنەن ايىرىلىپ قالعىم كەلمەدى. ول كەزدە قۇرساق انا جايلى ءسوز بولمايتىن» ، - دەيدى شىنار انا سوزىندە.
«شىنار سىرتقى جۇمىستاردى جاقسى تۇسىنەدى. بايسالدىلىقپەن شەشەدى. مىسالى مەكتەپتەگى اتا- انالار جينالىسىنا تەك سول قاتىسادى. اۋىلىمىزدا ءبىزدىڭ بايبىشەنى ءبارى جاقسى كورەدى، سىيلايدى. زاڭ بويىنشا كۇيەۋىمىز شىنارمەن نەكەدە. قالعاندارىمىز مۇسىلمانشا نەكەدەمىز» ، - دەيدى ءابساتتار مىرزابەكوۆتىڭ ەكىنشى ايەلى فاتيما.
فاتيما بۇل وتباسىنا ەكى قىز تاۋىپ بەرگەن. وسىدان كەيىن تاعىدا ۇرپاق جالعاستىرۋ ماسەلەسى كوتەرىلىپتى. بۇل جولى وتاعاسى تاڭداۋدى ءوزى جاساعان.
«مەن ول كەزدە 21 جاستا ەدىم. ۇزاق ويلاندىم. ءوزىمنىڭ ءۇشىنشى ايەل بولاتىنىمدى ءبىلدىم. ءبىراق وتاعاسى سول كەزدە- اق ماعان قاتتى ۇناپ قالعان ەدى. ءسۇيىپ قالدىم دەسەم دە بولادى» ، - دەيدى ءابساتتاردىڭ ءۇشىنشى ايەلى .
بۇل نەكەگە ەكى ايەلى كەلىسكەنىمەن «ءۇش ايەلدى قالاي باعاسىڭ» دەگەن ءابساتتاردىڭ تۋىستارى قارسى بولدى. ەشكىمدى تىڭداماعان ءابساتتار ءۇشىنشى ايەلدى الۋعا شەشىم قابىلداعان. قازىر ۇلكەن شاڭىراقتىڭ استىندا ءۇش ايەلى مەن بالالارى بىرگە تۇرادى.
«توقال دەگەننىڭ نەسى ۇيات ەكەن. ول دا ادام. ونى كەمسىتۋگە بولمايدى. ولار دا ورتاق كۇيەۋىمىزدى جاقسى كورەدى. ءبىز ءوز ءومىرىمىزدى ەشكىمگە ناسيحاتتامايمىز. تەك ءوزىمىزدىڭ باقىتتى ەكەنىمىزدى ايتقىمىز كەلەدى» ، - دەيدى شىنار انا.
