قازاقستاننىڭ سالىق تولەۋشىلەرى «قىزىل» جانە «جاسىل» توپتارعا بولىنەدى
«اكىمشىلىكتەندىرۋدە قاتەلىكتەرگە جول بەرىلمەۋى ءتيىس. سالىقتى تولەۋگە كومەكتەسۋ ءۇشىن تەكسەرىستەردىڭ ءبىر بولىگىن اۋتسورسينگكە بەرىپ، بيزنەستى بيزنەستىڭ تەكسەرگەنىنە جاعداي جاسالۋىمىز كەرەك. قالعان سالىقتىق تەكسەرۋلەر ءۇش باعىتتا جۇرگىزىلەدى. ادال سالىق تولەۋشىلەردى تەكسەرمەي، ورتاشا سالىق تولەۋشىلەر توبىن ءىشىنارا، ال «قىزىل» توپقا تۇسكەندەر تولىق تەكسەرۋگە الىنۋى ءتيىس. كىمنىڭ قاي بولىككە جاتاتىندىعىنىڭ ناقتى ەرەجەلەرىن بەلگىلەۋ قاجەت. سوندا بيزنەسمەن «جاسىل» ايماقتان كورىنۋگە ۇمتىلاتىن بولادى»، - دەيدى ق ر ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ جاڭا سالىق كودەكسى جوباسىنىڭ تانىستىرىلىمىندا.
ەلەكتروندىق شوت-فاكتۋرالاردى تاپسىرىپ، سالالىق جۇكتەمەلەردەن تومەن ەمەس سالىق تولەپ، ءوز مىندەتتەرىن ادال اتقارعان سالىق تولەۋشىلەر «جاسىل» توپقا ەنەدى.
«تۇزەتۋلەردىڭ ارقاسىندا، سالىقتىق تەكسەرۋلەر مەن ونىڭ اينالاسىنداعى داۋ-دامايلار سانى ازايادى دەپ ويلايمىز. ءاربىر سالىق تولەۋشى قاۋىپتىڭ قاي دەڭگەيىندە تۇرعانىن، ءوز دەڭگەيىن كوتەرۋ ءۇشىن نە ىستەۋ قاجەتتىگىن، بۇدان قانداي پايدا كورەتىنىن بىلە الادى.
ماسەلەن، ەگەر سالىق تولەۋشى قاۋىپتىڭ تومەن دەڭگەيىندە تۇرسا، سالىق تولەۋ مەرزىمىن كەيىنگە قالدىرا الادى، ايىپپۇلدارى تومەندەيدى جانە ونىڭ ەسەپشوتىنا تىيىم سالىنبايدى جانە وزگە دە ارتىقشىلىقتارعا يە بولادى»، - دەدى جۋرناليستەر سۇراعىنا جاۋاپ بەرگەن ءبىرىنشى ۆيتسە-مينيستر.
