قازاقستاندا قوسىمشا قۇن سالىعىن باقىلايتىن ارنايى شوت اشىلادى
ۇلتتىق ەكونوميكا مينيسترلىگى، بۇل قوسىمشا قۇن سالىعىنداعى الاياقتىقتى تۇبەگەيلى جوياتىندىعىن، سونىڭ نەگىزىندە سالىق تولەۋشىلەر وزگە الاياقتار ءۇشىن ارتىلعان جاۋاپكەرشىلىكتەن بوساتىلاتىندىعىن العا تارتۋدا.
«ق ق س- دا ءبىرقاتار الاياقتىق سحەمالار بار. بيۋدجەتتەن سالىق تولەۋشىلەر تولەمەگەن ق ق س قايتارىلىمىن ءجيى تالاپ ەتەدى. ارالىق تاۋار سوڭعى بولشەك ساتىلىمىنا جەتكەنشە، ق ق س ءوزارا جەتكىزۋشىلەر اراسىندا اۋدارىلىپ جاتادى. جەتكىزۋشىلەر بۇل ق ق س- نى جوعالتىپ نەمەسە جاسىرىپ قالادى جانە ءارى قاراي بەلگىلى ءبىر سحەمالار پايدا بولادى. سوندىقتان تولەۋشىدەن تولەۋشىگە كوشىپ جۇرەتىن ق ق س- نىڭ ارنايى شوتتا كورىنىپ تۇرۋى ۇسىنىلدى. سوندا ق ق س قايتارىلىمى ءاپ ساتتە جۇزەگە اسىرىلادى»، - دەدى ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ جاڭا سالىق كودەكسى جوباسىنىڭ تانىستىرىلىمىندا.
كودەكس جوباسىندا بۇل نورما مىندەتتى ەمەس. ءبىراق قازىردىڭ وزىندە ءبىرقاتار سالىق تولەۋشىلەر مەن بانكتەر مۇنى ەرىكتى تۇردە جاساۋعا كەلىسىپ وتىر.
«ماسەلەن، اۋەجاي قىزمەتتەرى، تەمىر جول تاسىمالدارى بويىنشا ءتۇرلى كومپانيالار ءوز جەتكىزۋشىلەرى ءۇشىن ارنايى شوت اشۋعا كەلىسىپ وتىر. جەتكىزۋشىلەر دە قانشا ق ق س تۇسكەنىن سالىق وكىلدەرىنىڭ باقىلاپ وتىرۋى ءۇشىن ق ق س- نىڭ ءوز شوتتارىنا ەمەس، بانكتەگى ارنايى شوتقا اۋدارىلعانىن دۇرىس دەپ ەسەپتەيدى»، - دەپ تولىقتىردى ر. دالەنوۆ.
اۆتور: ايجان سەرىكجان قىزى
