استانادا ۇلتتىق سپورت تۇرلەرىنەن جارىس ءوتتى - فوتو
«قازانات» يپپودرومىنداعى ەتنواۋىلدا ۇلتتىق سپورت تۇرلەرىنەن (ات ۇستىندەگى ونەر، اۋدارىسپاق، تەڭگە ءىلۋ، قىز قۋۋ، جامبى اتۋ، توعىزقۇمالاق، اسىق اتۋ، قازاقى تۇقىمدى تازىلاردىڭ كورسەتىلىمى) جارىستار ۇسىنىلدى. قىزىلوردا وبلىسىنان اۋدارىسپاق بويىنشا ق ر جەڭىمپازدارى ابدىناسرەدين فايزۋللا، سەرىك امىرسەيىت، كۇمىس جۇلدەگەر سەرىك عابيت، قولا جۇلدەگەر مۇراتحان قۋاندىق، بىرنەشە دۇركىن جۇلدەگەر ەرسۇلتان يسابەك، جامبى اتۋدان ق ر العاشقى چەمپيونى، تەڭگە ىلۋدەن ق ر بىرنەشە دۇركىن جۇلدەگەرى جارقىنبەك الماعانبەتوۆ، جامبى اتۋدان ق ر كۇمىس جۇلدەگەرى بەكقالي وزدەنبايەۆتار قاتىسىپ، ايماق نامىسى ءۇشىن سىنعا ءتۇستى.
ال تۇيە پالۋاندار سايىسىندا «قازاقستان بارىسى - 2017» اتاعىن جەڭىپ العان ەلامان ەرعالييەۆ، ق ر چەمپيونى، سامبودان ازيا چەمپيونى ماقسات يساعابىلوۆ، ق ر چەمپيونى نۇرىم سالىمگەرەيەۆ، ق ر چەمپيوناتىنىڭ كۇمىس جۇلدەگەرلەرى مارات بايماحانوۆ پەن جايدار ەسەنوۆتەر باق سىناستى.
سونداي-اق ەتنواۋىلدا قىزىلوردا وبلىسى ونەرپازدارىنىڭ، ونىڭ ىشىندە جىرشى- تەرمەشىلەر، ءداستۇرلى ورىنداۋشىلار مەن تۇرماعامبەت اتىنداعى حالىق اسپاپتار وركەسترىنىڭ مەرەكەلىك كونسەرتى جانە «سىر شەجىرەسى» اتتى قولونەر شەبەرلەرىنىڭ جانە وبلىستىڭ تاريحى مەن مادەنيەتىنە ارنالعان كورمەسى ۇيىمداستىرىلدى.
كورمەگە زەرگەرلىك بۇيىمدار مەن اعاش بۇيىمدار، سىر سۇلۋلارى كيگەن كيىم ۇلگىسى، ⅩⅨ عاسىردان بىزگە جەتكەن اعاشتان ويىلىپ جاسالعان كەسەقاپ جانە ت. ب. جادىگەرلەر قويىلدى.
ايتا كەتەيىك، كورمە 10-20 -تامىز ارالىعىندا وتەدى. وعان قىزىلوردا وبلىسىنان 25 قولونەر شەبەرى قاتىسۋدا. سونىمەن قاتار شەبەرلەر سۇيەك ونىمدەرىن وڭدەۋ، توقىما توقۋ جانە زەرگەرلىك بۇيىمدار جاساۋ ونەرى بويىنشا شەبەرلىك سىنىپتارىن ۇيىمداستىردى.
ەستەرىڭىزگە سالا كەتەيىك، استانادا «ەكسپو-2017» حالىقارالىق مامانداندىرىلعان كورمەسى اياسىندا 10-14 -تامىز ارالىعىندا قىزىلوردا وبلىسىنىڭ مادەنيەت كۇندەرى وتۋدە.
