جامبىل وبلىسىندا وقىس وقيعا بولعان شەكارا تۇسى كۇشەيتىلدى
ەسكە سالا كەتسەك، 12 -تامىز كۇنى كەشكە قازاق- قىرعىز شەكاراسىنىڭ جامبىل وبلىسى جاسوركەن اۋىلىنا جاقىن تۇسىندا (تارازدان 15 شاقىرىم) بەلگىسىز توپ قازاقستان شەكاراسىن كەسىپ وتپەك بولعان .
وبلىستىق ءى ءى د- نىڭ تۇسىندىرۋىنشە، 13 -تامىزعا قاراعان ءتۇنى ق ر ۇ ق ك ش ق «وڭتۇستىك» وڭىرلىك باسقارماسىنىڭ تاراز شەكارا وتريادى «جاسوركەن» شەكارا بەكەتى جاساقتارى مەملەكەتتىك شەكارانى كۇزەتۋگە شىققان. 15-20 بەلگىسىز ادام (سانى انىقتالىپ جاتىر) قاراڭعىدا قازاقستان مەملەكەتتىك شەكاراسى جاعىنا قاۋىپسىزدىك سپيرالدى بەلدەۋىنەن ءوتىپ كەتپەك بولىپ، تەمىر توردى كەسۋگە ارەكەتتەنگەن.
شەكاراشىلاردىڭ ءبىرى، 21 جاستاعى و ق و تۋماسى داۋىس بەرىپ، شەكارا بۇزۋشىلاردىڭ زاڭسىز ارەكەتىن توقتاتۋ ءۇشىن كالاشنيكوۆ اۆتوماتىنان ەسكەرتۋ ءۇشىن اسپانعا وق اتقان. الايدا شەكارا بۇزۋشىلار دورەكىلىك تانىتىپ، شەكاراشىلارعا تاس لاقتىرىپ، باسىن جارالاعان. سول كەزدە شەكارا جاساعى ەكى رەت وق اتقان. بۇزۋشىلاردىڭ ءبىرى باسىنان وق ءتيىپ، قازا تاپقان.
«قازا تاپقان قازاقستاننىڭ ازاماتى، جامبىل وبلىسى جاسوركەن اۋىلىنىڭ تۇرعىنى، جاسى 30 دا، - دەپ ءمالىم ەتتى دەپارتامەنتتەگىلەر. - ءمايتتى انىقتاۋ كەزىندە ونىڭ ءولىمى باستان تيگەن وق جاراقاتىنان بولعانىن كورسەتتى. ءىس ق ر ق ك- نىڭ 380-بابى 1-بولىگى بويىنشا (بيلىك وكىلىنە قاتىستى كۇش قولدانۋ) تىركەلدى. ءمايىتتى سىبايلاستارى الىپ كەتىپ، ونى تۋىستارىنا جەتكىزگەن. ال وزدەرى بەلگىسىز كولىككە وتىرىپ جامبىل وبلىسىنىڭ اۋماعىندا ءىز جاسىرعان. قازىرگى ۋاقىتتا جەدەل- ىزدەستىرۋ شارالارى جۇرگىزىلۋدە، قازا تاپقان ادامنىڭ تۋىستارىنان جاۋاپ الىنىپ جاتىر».
تاراز شەكارا وتريادى ۋچاسكەسىندە شەكارا جاساقتارى كۇشەيتىلدى، مۇندا ق ر ۇ ق ك شەكارا قىزمەتىنىڭ قوسىمشا كۇشتەرى مەن قۇرالدارى تارتىلدى.
