نۋمەرولوگ: مۇشەل جاس - قاۋىپكە تولى كەزەڭ

ساندار سالاسىنىڭ مامانى ارايلىم حاسەنوۆا ءار 12 جىل سايىن جاساۋعا بولمايتىن امالدار تۋرالى ايتتى.

بۇل تۋرالى Sputnik حابارلادى.

«جەتى جىلدىق سيكل بويىنشا ومىرلىك ەنەرگيا گرافيگى دەگەن تۇسىنىك بار. ءدال وسىنى قازاقتىڭ «مۇشەل جاسىنا» كەلتىرۋگە بولادى. تاجىريبە كورسەتكەندەي، بۇل سەنىم وتە ورىندى، ويتكەنى ءار ادامنىڭ ءوزىنىڭ ومىرلىك كودى بار. وعان سايكەس، ءار جەتى جىل سايىن ادام ەنەرگياسى نولدەن توعىزعا دەيىن وزگەرەدى، ياعني ەگەر ەنەرگيا جوعارىلاسا، ول - جەكە ءومىردى رەتكە كەلتىرۋگە جانە ماماندىق اۋىستىرۋعا جاقسى ۋاقىت. ال ەگەر ەنەرگيا تومەندەسە، وندا ماڭىزدى شەشىمدەر مەن جوسپارلاردى باسقا ۋاقىتقا شەگەرگەن ءجون»، - دەپ اتاپ ءوتتى ارايلىم حاسەنوۆا.

قازاق حالقى ءار 12 جىل سايىن ادام ومىرىندە ايتۋلى وزگەرىستەر بولاتىنىنا سەنەدى. «مۇشەل جاس» دەپ اتالاتىن بۇل كەزەڭدە ادام اۋرۋعا ۇشىراپ، ومىرلىك قيىندىقتارعا ۇشىرايدى دەپ سانايدى. نۋمەرولوگتىڭ سوزىنە قاراعاندا، مۇنداي جىلى ادامنىڭ ەنەرگياسى نولگە جاقىندايدى.

«دەنساۋلىققا كوڭىل ءبولىپ ءىرى ساياحاتتار مەن قونىس اۋدارۋدان اۋلاق بولعان ءجون. سونداي-اق، قارجىلاي كەلىسىم- شارتتارعا كەلگەندە اباي بولعان ابزال»، - دەپ اتاپ ءوتتى ارايلىم حاسەنوۆا.

«ياعني ادامنىڭ ەنەرگياسى نولگە جاقىنداعان كەزدە، بۇل كەزەڭدە ماكسيمالدى تۇرعىدان اباي بولۋ كەرەك. سەبەبى بۇل سان قاۋىپتىلىكتى بىلدىرەدى. ول ءبىز جۇرگىزگەن زەرتتەۋمەن دالەلدەندى»، - دەپ تۇيىندەدى ءسوزىن نۋمەرولوگ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى