استانادا ءزاۋلىم ءۇيدىڭ باسپالداعىمەن جوعارى قاراي جۇگىرۋدەن جارىس ءوتتى

بۇل سپورتتىق شاراعا قاتىسۋشىلار 34 قاباتتان تۇراتىن ءۇيدىڭ 700 باسپالداعىن ەڭسەردى. بەلگىلى بولعانداي، قازاقستاننىڭ ءار قالاسىنان مارافونعا قاتىسۋعا 300 دەن استام ءوتىنىم كەلىپ ءتۇستى. جوعارى قاراي جۇگىرۋگە 18 بەن 50 جاس ارالىعىنداعى مەديتسينالىق تەكسەرۋدەن وتكەن ەرلەر مەن نازىك جاندىلار قاتىستى.

 جالپى، جارىس جولىنا 208 مارافونشى شىعىپ، ونىڭ 164 ى ەرلەر جانە 44 ى ايەلدەر. ولار التى سانات بويىنشا، ياعني 18-30 جاس، 31-40، 41-50 جاس ارالىقتارىندا سايىسقا ءتۇستى.

سايىس كەزىندە ءۇيدىڭ ءار قاباتىندا مەديتسينالىق قىزمەتتىڭ ماماندارى كەزەكشىلىك ەتتى.

 وسى جارىستان جەڭىپ شىققاندار اقشالاي سىيلىقتار مەن استاناداعى سپورت كلۋبتارعا سەرتيفيكاتتار الدى.

 كوپ قاباتتى ءزاۋلىم ءۇيدىڭ باسپالداعىمەن جوعارى قاراي جۇرىگۋ العاش رەت 1977 -جىلى ۇيىمداستىرىلعان بولاتىن. ول كەزدە وسى شاراعا قاتىسۋشىلار نيۋ-يوركتەگى Empire State Building تىڭ ەڭ جوعارى قاباتىنا جۇگىرىپ شىققان ەدى. سودان بەرى وسى قوزعالىس الەم بويىنشا تانىمالدىققا يە بولىپ، سپورتتىڭ تۇرىنە اينالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى