ۋسەين بولت الەم چەمپيوناتىندا مارە سىزىعىنا جەتە بەرە قۇلادى

بۇدان بۇرىن سەگىز دۇركىن وليمپيادا چەمپيونى اتانعان سپرينتەر سپورتپەن لوندونداعى الەم چەمپيوناتىندا جەڭىمپاز اتانىپ قوشتاسقىسى كەلەتىندىگىن مالىمدەگەن ەدى. وكىنىشكە وراي، اتى اڭىزعا اينالعان يامايلىق جەلاياق لوندونداعى جەڭىل اتلەتيكادان ءوتىپ جاتقان الەم چەمپيوناتىندا 4*100 ەستافەتانىڭ سوڭعى ءتورتىنشى اينالىمىندا جۇگىرگەن ەدى. ءبىراق مارە سىزىعىنا جاقىنداعان كەزدە اقساڭداعان كۇيى جۇگىرەتىن جولعا قۇلادى. الدىن الا مالىمەتتەرگە قاراعاندا، ول جامباسىنان جاراقاتتانعان. سونداي- اق وسى قاشىقتىقتا يامايكانىڭ ەرلەر قۇرامىندا ومار ماكلەود، دجۋليان فورت، يوحان بلەيكتەر دە جۇگىردى. بولت سوڭعى باسەكەنىڭ قورىتىندى كەزەڭىندە وقىستان جاراقات الىپ، مارە سىزىعىنا جەتپەي توقتادى.

 وقىس جاعداي تۋرالى ۆيدەو YouTube-تەگى Sportixer ارناسىندا پايدا بولدى. ەستافەتادا 37,47 سەكۋند كورسەتكىشىمەن  ۇلىبريتانيا كومانداسى جەڭىمپاز اتاندى. ەكىنشى بولىپ مارە سىزىعىن - امەريكالىقتار (37,52) قيدى، ءۇشىنشى - جاپوندىقتار (38,0) .

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى