ۇلتتىق ونەردى ۇلىقتايتىن «مەن قازاقپىن» جوباسىنىڭ قازىلار القاسى انىقتالدى - فوتو
بۇل تۋرالى «قازاقستان» ر ت ر ك باسشىسى ەرلان قارين ءوزىنىڭ فەيسبۋك پاراقشاسىندا جازدى.
قازىلار تىزىمىندە قازاق ۇلتتىق ونەر ۋنيۆەرسيتەتىنىڭ دوتسەنتى، شەرتپە كۇيدىڭ شەبەرى - جانعالي جۇزبايەۆ، ق ر ەڭبەك سىڭىرگەن ءارتىسى، كۇيشى - ايگۇل ۇلكەنبايەۆا، ق ر ەڭبەك سىڭىرگەن قايراتكەرى، ءداستۇرلى ءانشى - تولعانباي سەمبايەۆ، ق ر ەڭبەك سىڭىرگەن قايراتكەرى، جىرشى - ۇلجان بايبوسىنوۆا، ق ر مادەنيەت قايراتكەرى، ءداستۇرلى ءانشى - ارداق يساتايەۆا، ەلىمىزدىڭ ەڭبەك سىڭىرگەن قايراتكەرى، تەرمەشى - اماندىق كومەك ۇلى سياقتى ونەر مايتالماندارى بار. جانە جوبانىڭ حالىقارالىق دەڭگەيىنە بايلانىستى، قىتاي حالىق رەسپۋبليكاسىنىڭ 1- دارەجەلى كومپوزيتورى، پروفەسسور باعدات ەستەمەس اعامىزدى ءادىلقازىلار القاسىنا مۇشە بولۋعا شاقىردىق. ال قازىلار القاسىنىڭ ءتوراعاسى بولىپ بەلگىلى مەملەكەت جانە قوعام قايراتكەرى - مىرزاتاي جولداسبەكوۆ اعامىز سايلاندى»، - دەپ جازدى تەلەارنا باسشىسى.
ايتا كەتەيىك، «مەن قازاقپىن» جوباسىنىڭ ماقساتى - رەسپۋبليكامىزدىڭ جانە باسقا ەلدەرگە قونىس اۋدارعان قانداستارىمىزدىڭ ءداستۇرلى ءانشى- تەرمەشى، كۇيشىلەرى ۇلتتىق ارنادا باس قوسىپ، ەلىمىزدىڭ تاڭداۋلى تۋىندىلارىن دارىپتەۋ ارقىلى، اتادان- بالاعا ميراس بولىپ قالعان ءتول ونەرىمىز كۇي، جىر-تەرمەنى زامانعا ساي جاڭاشالاندىرىپ، بولاشاق ۇرپاققا كەڭىنەن تانىتۋ. بايقاۋدا بارلىعى 675 ونەرپاز باق سىناپ، ەڭ ۇزدىك دەپ تانىلعان 57 ۇمىتكەر رەسپۋبليكالىق تەلەۆيزيالىق بايقاۋعا جولداما الدى.
