الماتى زووباعىنا ەكزوتيكالىق جانۋار اكەلىنبەك - فوتو

كەلۋشىلەر ازيا، افريكا، امەريكا قۇرلىقتارىنىڭ ءبىر بولشەگىمەن تانىسىپ كەلەدى.

قازاقستانداعى بىرەگەي زووباقتىڭ ىشىندەگى ءومىر قالاي ءوتىپ جاتىر؟ قازاقپارات ءتىلشىسى جانۋارلاردىڭ ءبىر كۇندىك ومىرىمەن تانىستى.

بۇگىندە زووباقتا جانۋارلاردىڭ 310 ءتۇرى بار. بارلىعى 2781 جانۋار ءومىر ءسۇرىپ كەلەدى.

زووباقتىڭ ماقتانىشى لاو مەن ارۋ پىلدەرى. ولار الماتىعا 2000 -جىلى لاوستان اكەلىندى. ۇرعاشى ءپىل 2 جاسىندا، ەركەگى 4 جاسىندا كەلدى. بۇگىندە ولار 16 جىل بويى جۇبىن جازباي كەلەدى.

جانبولات ەسىمدى بەگەموت يزرايلدەن 8 -جىل بۇرىن كەلگەن ەدى. بۇگىن ونىڭ جاسى 10-دا. جاقىندا سەنت- پەردەن لوتتي ەسىمدى ۇرعاشى بەگەموت كەلەدى. ءبىر بەگەموتتىڭ سالماعى 1 توننا ەكەنىن ەسكەرسە، ولاردى قازاقستانعا جەتكىزۋ 1 كۇننىڭ جۇمىسى ەمەس.

مارتين ەسىمدى تاپير دە ءوزىنىڭ جۇبىن كۇتىپ ءجۇر. وعان جاقىندا دەمەۋشىلەر جاڭا ۆولەر سالىپ بەرگەن بولاتىن. جانۋارلاردىڭ قاتارى بۇلارمەن عانا كوبەيىپ جاتقان جوق.

زووباق ديرەكتورى ەرجان ەركىنبايەۆتىڭ ايتۋىنشا، ماماندار بيىلدىڭ وزىندە 60 ءتول دۇنيەگە كەلەدى دەپ بولجاپ وتىر.

 «بيىل بىزدە 2 ەكى تەڭبىل بۇعى لاعى، 4 ەۋروپا لانى لاعى، 1 كوك قوي قوزىسى، 4 كامەرۋن لاعى، 1 قۇرالاي، 2 موندىن، 1 ءۇندى جايراسى، 2 وريكس بۇزاۋى، 2 قونجىق، 2 بوتا ءوسىپ كەلەدى»، - دەدى باسپا ءسوز قىزمەتىنەن.

قازىر زووباقتا ءومىر قايناپ جاتىر.

 سوڭعى ۋاقىتتا دەمەۋشىلەر تاراپىنان جانۋارلاردىڭ كوپ جىلدان بەرى اۋىسپاعان ۇيلەرى جاڭارتىلۋدا.

 حايۋاناتتار باعىن كورىكتەندىرۋگە اكىمدىك تە ۇلەسىن قوسىپ وتىر. وتكەن اپتادا سوقپاقتارعا اسفالت، ارباتتان الىنعان قۇيما تاستار توسەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى