گولوۆكين «كانەلومەن» ايقاسى الدىندا جاڭا ۆيدەو جاريالادى - كەسكىن

«بۇل بوكستاعى ەڭ ۇلكەن ايقاس. «كانەلو» ەكەۋىمىز بوكسقا ءوزىنىڭ پوزيتسياسىن قايتاراتىنىمىزعا سەنەمىن. بارلىعى مەنىڭ ءستيلىمدى جانە «كانەلونىڭ» ستيلىن بىلەدى. جەكپە-جەك ءۇشىن بۇل ەڭ ءتيىمدى ۋاقىت. مەن ءوزىمدى تاماشا سەزىنەمىن: جاسىم 35 تە بولساداعى ءوزىمدى 25 كە سەزىنەمىن.

«كانەلو» - 26 دا، سوندىقتان ءبىز جاقىنبىز. ءبىزدىڭ ايقاس - بۇل ويىن ەمەس، بۇل ناعىز جەكپە-جەك! ول دا، مەن دە مۇنى ۇزاق ۋاقىت قالادىق. جانكۇيەرلەر بۇل كەزدەسۋدەن تابىستى بولاتىنىنا سەنىمدىمىن»، - دەيدى گولوۆكين ۆيدەودا.

ەسكە سالايىق، 16 -قىركۇيەكتە گەنناديي گولوۆكين مەكسيكالىق بوكسشى ساۋل الۆارەسپەن جۇدىرىقتاسادى. وسى جەكپە-جەكتە الۆارەس GGG- دىڭ تەك ەكى اتاعى - WBA مەن IBF بەلبەۋلەرى ءۇشىن عانا تالاسادى. گولوۆكين ۇتىلىپ قالسا، ونىڭ تاعى ەكى بەلبەۋى - WBC مەن IBO بوس قالىپ، ونى باسقا بوكسشىلار ءوزارا ساراپقا سالادى.

ال قازاقستاندىق بوكسشى جەڭىسكە جەتسە، ءتورت بەلبەۋىنە تاعى The Ring جۋرنالىنىڭ ارنايى بەلبەۋىن قوسىپ الادى. اتالعان باسىلىم ونى ارنايى الۆارەس ءۇشىن شىعارعان بولاتىن. ۋاقىت ايىرماشىلىعىنا بايلانىستى قازاقستاندا جەكپە-جەكتىڭ تىكەلەي كورسەتىلىمى 17 -قىركۇيەكتە تاڭەرتەڭ بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى