اقتوبەلىكتەر تورەعالي مەن ەركەنى ساحنادا ءۇنسىز قالدىردى - فوتو، كەسكىن
مەرەكەگە حالىق كوپ جينالىپ، ىرىققا كونبەگەن تىڭدارماندار ساحناعا لاپ قويدى، دەپ حابارلايدى قازاقپارات ءتىلشىسى.
قۇرىلىسشىلار كۇنى اقتوبەدە شاعىن ساياباق اشىلىپ، ەڭبەككەرلەرگە ەسكەرتكىش تاس قويىلدى. اقتوبە وبلىسىنىڭ اكىمى بەردىبەك ساپاربايەۆ مەرەكە يەلەرىن قۇتتىقتاپ، العىسىن ءبىلدىردى. «اقتوبەلىك قۇرىلىس كومپانيالارى كوكتەمگى سۋ تاسقىنى كەزىندە باسپاناسى قيراپ، جارامسىز كۇيگە تۇسكەن ءوز جۇمىسشىلارىنا پاتەر بەردى، وزگەلەرگە كومەكتەستى. ءوڭىر باسشىلىعى اتىنان قۇرىلىسشىلارعا العىس ايتامىن. ءبىزدىڭ قۇرىلىسشىلارىمىز مەملەكەتتىك باعدارلامالاردى ىسكە اسىرۋدا تاباندىلىق تانىتىپ ءجۇر»، - دەدى وبلىس اكىمى.
كەيىن قۇرىلىسشىلار توسبەلگىلەرمەن، العىس حاتتارمەن ماراپاتتالدى.
ايتا كەتەيىك، قۇرىلىسشىلار كۇنىنە تورەعالي ءتورالى مەن ەركە ەسماحان ارنايى شاقىرىلىپ، حابارلاندىرۋ الەۋمەتتىك جەلى ارقىلى بەرىلگەن بولاتىن. كەشكەلىك تۇڭعىش پرەزيدەنت اتىنداعى ورتالىق ساياباققا جينالعان حالىق قاراسى كوپ بولدى. تورەعاليدىڭ بىرنەشە انىنەن سوڭ ونىڭ كىشكەنتاي تىڭدارماندارى سۋرەتكە ءتۇسىپ، كەيىن ساحناعا شىعىپ كەتتى. لاپ قويعان كەزدە تەحنيكا ىستەن شىعىپ، تورەعالي مەن ەركە بىرنەشە مينۋت ساحنادا ءۇنسىز تۇردى.
سۇيىكتى انشىلەرىن كورۋگە بارعان اقتوبەلىكتەر كەيىن ءبىر-ءبىرىن يتەرىپ، بالالار اتا-انالارىن جوعالتىپ الدى. تورەعالي اقتوبەلىكتەردى سابىرعا شاقىرا باستادى.
@erke_esmahan мен @toregalitoreali-дің фанаттары САХНАНЫ БАСЫП АЛДЫ #ақтөбе
Ерке мен Төрештің Ақтөбедегі фанаттары МЫҚТЫ (Оларға тəртіп сақшыларының əлі де келмеді) @erke_esmahan @toregalitoreali
