جانىبەك ءالىمحان ۇلىنىڭ كاسىپقوي بوكستاعى ەكىنشى قارسىلاسى انىقتالدى

ريو وليمپياداسىنداعى ساتسىزدىكتەن كەيىن جانىبەك ءالىمحان ۇلى كاسىپقوي بوكستا ەكىنشى ورتا سالماقتا باق سىناۋدى ءجون كورىپ، العاشقى جەكپە-جەگىن 2016-جىلدىڭ قازان ايىندا وتكىزگەن ەدى.

ول الماتىدا قانات يسلامنىڭ قاتىسۋىمەن وتكەن بوكس كەشىندە كولۋمبيالىق ميلتون نۋنەستى تەحنيكالىق نوكاۋتپەن جەڭدى. برازيليالىق بوكسشى كاسىپقوي رينگتە 23 كەزدەسۋ وتكىزىپ، 18 ىندە جەڭىسكە جەتكەن. سونداي-اق، ول 15 جەكپە-جەگىندە ۋاقىتىنان بۇرىن جەڭىسكە جەتىپ، 5 كەزدەسۋدە جەڭىلگەن.

ايتا كەتەيىك، جاڭا ەرەجەلەرگە سايكەس، كاسىپقوي بوكستاعى بوكسشىلار AIBA- نىڭ الەم چەمپيوناتتارىنا جانە وليمپيادا ويىندارىنا قاتىسا الادى. دەگەنمەن، كاسىپقوي بوكس ۇيىمدارى ءوز چەمپيوندارىن وليمپيادا ويىندارىنا قاتىسۋعا ءوز رۇقساتىن بەرمەيتىنىن حابارلاعان بولاتىن.

ەسكە سالساق، 9- قىركۇيەكتە استاناداعى «سارىارقا» ۆەلوترەگى عيماراتىندا قانات يسلام (24-0,19 ك و) كانادالىق برەندون كۋكپەن (18-0,  11 ك و) جۇدىرىقتاسادى.

قانات ءبىرىنشى ورتا سالماقتاعى WBO NABO جانە WBA Inter- Continental چەمپيوندىق اتاقتارىن قورعايدى. وسى جەكپە-جەكتىڭ اندەركارتىندا 8 قازاقستاندىق بوكسشى ونەر كورسەتەدى. ولار - جانقوش تۇراروۆ (21-0,  15 ك و)، جانىبەك ءالىمحان ۇلى (1-0, 1 ك و)، مەيىرىم نۇرسۇلتانوۆ (3-0,2 ك و)، رۋسلان مىرساتايەۆ (3-0,  3 ك و)، ءالي احمەدوۆ (7-0,5 ك و)، ايدوس ەربوسىن ۇلى (6-0,  6 ك و)، ديماش نيازوۆ (11-0-3,  5 ك و) جانە نۇرسۇلتان جاڭابايەۆ (2-0,1 ك و).

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى