ەلوردادا شەتەلدىكتەردى تىركەۋ ءۇشىن ارنايى حالىققا قىزمەت كورسەتۋ ورتالىعى اشىلادى

بۇل تۋرالى بۇگىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى ابىلاي وسپانوۆ ءمالىم ەتتى، دەپ حابارلايدى قازاقپارات.

«بۇگىنگى كۇنى ءبىز مۇنداي ۇسىنىستى ىشكى ىستەر مينيسترلىگىنە بەردىك. استانادا ىلكى جوبا رەتىندە ميگراتسيا جونىندەگى ارنايى حالىققا قىزمەت كورسەتۋ ورتالىعىن ىسكە قوسقىمىز كەلەدى. قازىرگى ۋاقىتتا كەلىسسوزدەر جۇرگىزىلۋدە، عيمارات تاڭداپ الىندى. وندا مەملەكەتتىك كورپوراتسيا قىزمەتكەرلەرىنىڭ فرونت-كەڭەسىن ورنالاستىرماقپىز. ال شەتەلدىكتەرگە ۆيزا بەرۋ نەمەسە تىركەۋ شەشىمى كوشى-قون پوليتسياسىنىڭ قىزمەتكەرلەرىندە قالاتىن بولادى. بۇل ماسەلە قازىرگى ۋاقىتتا تالقىلانۋدا»، - دەدى ول كورپوراتسيانىڭ جۇمىسىن ب ا ق وكىلدەرىنە تانىستىرۋ بارىسىندا.

ونىڭ ايتۋىنشا، بۇگىنگى كۇنى ەلىمىزدە مەملەكەتتىك كورپوراتسيانىڭ 350 فرونت-كەڭەسى جانە 630 دان استام بەك-كەڭسەسى جۇمىس ىستەيدى. ولاردا 22 مىڭعا جۋىق قىزمەتكەر بار. وتكەن جىلى مەملەكەتتىك كورپوراتسيا 37 ميلليوننان استام قىزمەت كورسەتتى، ونىڭ 24,5 ميلليونى ەلەكتروندى فورماتتا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى