الماتىدا زاعيپ جاندارعا ارنالعان حالىقارالىق ۆەلومارافون باستالدى

بۇگىن الماتىدا «قوزعالىس قۋاتى» دەپ اتالاتىن كوزى ناشار كورەتىن جاندار ءۇشىن ۇيىمداستىرىلعان ۆەلومارافون باستالدى. قازاقستان مەن قىرعىزستان اراسىندا ءوتىپ جاتقان ۆەلومارافون بيىل ءبىرىنشى رەت ۇيىمداستىرىلىپ وتىر.

ۆەلومارافون الماتىدان باستالىپ، ىستىقكولدە اياقتالادى. 6 كۇن ساپاردا بولاتىن ۆەلوسيپەدشىلەر 500 شاقىرىم جولدى باعىندىرۋى قاجەت. اتالعان ۆەلومارافونعا 7 جەكە تۇلعا، 4 ەكى ادامدىق ۆەلوسيپەدشىلەر توبى اتتاندى.

ۇيىمداستىرۋشىلاردىڭ ايتۋىنشا، جالعىز ءوزى قاتىسىپ وتىرعان 7 ۆەلوسيپەدشىنىڭ كوزى ناشار كورەدى، ال قوسارلانعان ۆەلوسيپەدشىلەر توبىنداعىلار كوز جانارىنان مۇلدە ايىرىلعان، زاعيپ جاندار. ولاردىڭ بارلىعىندا جول باستاۋشى پيلوتتار بار.

«شەكاراسىز سپورت» جوباسى مۇگەدەك جاندارعا ارنالعان. يدەيا بۇرىننان ويىمدا جۇرگەن ەدى. ويتكەنى، مەنىڭ ءوزىم كوزىم ناشار كورسە دە بەينەماتەريالدار ءتۇسىرىپ، بايقاۋلاردان جۇلدە الىپ ءجۇرمىن. بىلتىر ءبىز الماتى - استانا اراسىندا ءبىرىنشى ۆەلومارافون وتكىزدىك. بيىل مىنە، ءبىرىنشى رەت، ەكى ەل اراسىندا ۇيىمداستىردىق. كەلەسى جىلى بۇدان دا اۋقىمدىراق جاساۋ ويىمىزدا بار»، - دەدى «شەكاراسىز سپورت» جوباسىنىڭ جەتەكشىسى باحتيار بازاربەكوۆ.

ايتا كەتەيىك، بىلتىر الماتى-استانا ۆەلومارافونىنا 11 ادام قاتىسقان. بيىل ول جوباعا قاتىسۋشىلار سانى 18 گە جەتتى.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى