ەۋروپادا تونالعان قازاقستاندىق بويجەتكەنگە ەلىنە قايتۋعا كومەك بەرىلدى

بويجەتكەن ءوزىنىڭ باسىنان وتكەن وقيعانى فەيسبۋكتەگى پاراقشاسىندا جاريا ەتتى، دەپ حابارلايدى «قازاقپارات» ح ا ا ءتىلشىسى.

فەيسبۋكتەگى جاريالاعان جازباسىندا بويجەتكەن ءوزىن ەۋروپانى ارالاپ جۇرگەن كەزىندە توناپ كەتكەنىن اتاپ كورسەتكەن.

دينارا سوڭعى ساپارىن بۋداپەشت قالاسىنا جاساعان. سول جاقتان ەلىنە قايتۋعا بەل شەشكەن ەكەن. الايدا ۆەنگريانىڭ استاناسىندا ونى بۋداپەشت رەيسىنەن ءتۇسىرىپ كەتكەن.

«بۋداپەشتتە تەك ءبىر ءتۇن تۇنەپ، ەرتەڭىندە قايتپاق ەدىم. ءبىراق، ول جاقتاعى Wizzair اۆياكومپانياسى مەنى رەيستەن ءتۇسىرىپ جىبەردى. بۇعان ەكى نارسە سەبەپ بولدى: بىرىنشىدەن، مەنىڭ يسپانياداعى ق ر ەلشىلىگىنەن العان جاسىل انىقتاما مەن ەكىنشىدەن رەيسكە تىركەلۋ ءۇشىن 80€ اقشا تولەۋىمىز كەرەك بولاتىن. مەندە ول كەزدە 5€ عانا قالعان ەدى، رەيستە مۇلدە تاماق بەرمەيتىندىكتەن، وعان سۋ ساتىپ الىپ ءىشۋدى ويلاپ وتىرعانمىن»، - دەيدى دينارا.

وسىلايشا، ءبىزدىڭ وتانداسىمىزعا نە اقشاسىز، نە قۇجاتسىز تاعى دا 4 كۇنگە بۋداپەشتتە قالۋعا تۋرا كەلەدى. بويجەتكەنگە ايتەۋىر تاكسي جۇرگىزۋشىسى كومەكتەسىپ، ق ر ەلشىلىگىنىڭ عيماراتىنا دەيىن جەتكىزىپ تاستاعان.

«جەلبىرەگەن كوك تۋ مەنىڭ كوڭىلىمە ءۇمىت وتىن ۇيالاتىپ، كىرە بەرىستەگى اپايدىڭ «ءسىز كىمگە؟» دەگەن سۇراعى ءتىپتى قۋانتىپ جىبەردى. مەن باسىما ءىس تۇسكەنىن ايتىپ بەردىم. نە دەيىن؟ ءبىر سوزبەن، مەنى سول جاقتا قايىرشىعا اينالىپ كەتۋدەن ۆەنگرياداعى قازاقستان رەسپۋبليكاسى ەلشىلىگىنىڭ قىزمەتكەرلەرى قۇتقارىپ الدى! ماعان كومەك قولىن سوزعانىمەن قوسا، 4 كۇن بويى بۋداپەشتتەگى شىعىنىمدى وتەپ بەرىپ، ۇيگە ورنالاستىردى.

سوزبەن جۇباتتى. مەن ومىرىمدە وسىنداي ادامدارعا كەزىككەنىمە شىن جۇرەكتەن قۋانىشتىمىن. ءتىپتى كونسۋل مەنى اۋەجايعا دەيىن شىعارىپ سالدى. البەتتە، ولارعا اۋرتپالىق سالعانىمدى بىلەمىن. دەسە دە، ولارعا زور العىسىمدى بىلدىرگىم كەلەدى. اسىرەسە، اباي دوساليەۆ پەن كونسۋل ءازيز قالدىبەكوۆكە كوپ راحمەت ايتامىن. وسىنداي ادامدارمەن تانىسقانىما ماقتانامىن»، - دەپ جازدى دينارا.

اۋدارما: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى