اقتاۋ تۇرعىندارى تەڭىزدە كاتامارانمەن ساياحات جاساي الادى

 40 ادامعا ارنالعان ساياحات تۋرلارىنىڭ ءمىنۋ ايالداماسى - 14ا شاعىن اۋدانىنان باستالماق. قازىرگى ۋاقىتتا 14ا شاعىن اۋدانىنداعى«I love Aktau» جازۋى بار الاڭ جانىنان كاتاماراننىڭ جاڭا ايلاعى سالىنىپ جاتىر. كاسىپكەر سەرگەي ۆوروجەيكيننىڭ ايتۋىنشا، كاتاماران تايلاندتىق جوبامەن رەسەيدىڭ استراحان قالاسىندا جاسالعان. ولاردىڭ سانى ۇشەۋ: «ناتالي» ، «لاگۋنا» جانە «وازيس» . «ناتالي» مەن «لاگۋنا» تۋرلار ءۇشىن قولدانىلسا، «وازيس» جەكە تاپسىرىس بەرۋشىلەرگە ارنالعان. «بيلەتتىڭ قۇنى  1000 تەڭگە دەپ بەلگىلەندى. بۇل قاراپايىم تۇرعىندار ءۇشىن قولجەتىمدى» ، - دەيدى «گۋنا- اكتاۋ» جشس باسشىسى ناتاليا ۆوروجەيكينا. ايتا كەتەيىك، كاسپيي تەڭىزىندەگى سەرۋەن 1 ساعاتقا سوزىلادى. «جوبامىز وتكەن جىلى تۋريزم سالاسىنداعى «ساياحات» باعدارلاماسى اياسىندا 80 ميلليون تەڭگەگە قارجىلاندىرىلدى. ءبىز «دامۋ» قورىنان% 7,8 جىلدىق مولشەرلەمەمەن نەسيە الىپ وتىرمىز. كاتامارانعا جولاۋشى وزىمەن بىرگە سۋسىن، تاعام الىپ كىرە الادى. وتىرىپ تاماقتانۋ ءۇشىن ارنايى ۇستەل، ورىندىقتار قاراستىرىلعان» ، - دەيدى سەرگەي ۆوروجەيكين. سەرۋەندەۋ تۋرلارى جىل سايىن مامىر ايىنىڭ باسىنان قازاننىڭ ورتاسىنا دەيىن جالعاسادى. اۋا رايىنا بايلانىستى تۋرلار ماۋسىمى وزگەرۋى مۇمكىن.

 ايگۇل دادەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى