شىمكەنتتىك وقۋشى بولگاريادا وتكەن حالىقارالىق ءپان وليمپياداسىندا جەڭىمپاز اتاندى
الەم ەلدەرى وقۋشىلارىنىڭ باسىن قوساتىن ءداستۇرلى وليمپيادا مەكتەپ وقۋشىلارى اراسىندا فيزيكا- ماتەماتيكا عىلىمدارىن ناسيحاتتاۋ، حالىقارالىق ىنتىماقتاستىقتى دامىتۋ ماقساتىندا ۇيىمداستىرىلعان بولاتىن. الىس تا جاقىن شەت ەلدەردەگى ارنايى مامانداندىرىلعان مەكتەپتەردىڭ شاكىرتتەرى ءوز ءبىلىم دەڭگەيلەرىن كورسەتتى. دارىندى بالالار ماتەماتيكا ءپانى بويىنشا تەوريالىق جانە ەكسپەريمەنتالدىق كەزەڭنەن باعىن سىنادى. وسىنداي ءبىلىم باسەكەسىندە شىمكەنتتەگى №23 مەكتەپتىڭ وقۋشىسى قاتارلاستارىنان وق بويى وزىپ شىعىپ، 1- ورىندى جەڭىپ الدى. ايتا كەتەيىك، بىلىمگە قۇشتار جەتكىنشەك ماتەماتيكا ءپانى بويىنشا بىرنەشە ءبىلىم سايىستارىنا قاتىسىپ، جاقسى ناتيجەلەرگە قول جەتكىزۋدە. ونى ءتۇرلى بايقاۋلارعا دايىنداپ جۇرگەن ۇستازى ولگا يۆانوۆنا.
اۆتور: اينۇر اقبايەۆا
