ون بەس مىڭ جىل بۇرىن ءبىر- ءبىرىنىڭ ەتىن جەگەن قاي حالىق؟
تۋريستەردىڭ سۇيىكتى دەمالىس ورنى انگليانىڭ وڭتۇستىك- باتىسىندا ورنالاسقان چەددار گوردج تاۋ شاتقالى وسىدان 14700 جىل بۇرىن كىسى ەتىن جەيتىن ادامداردىڭ مەكەنى بولعان. ولار ءبىر- ءبىرىنىڭ ەتىن جەپ، باس سۇيەك قاڭقالارىن ىدىس رەتىندە قولدانعان. ارحەولوگتار كاننيبالدار وزدەرىنىڭ تايپالاستارىن جەپ، سۇيەكتەرىن وڭدەگەنىن دالەلدەپ وتىر، دەپ جازادى Daily Mail باسىلىمى.
زەرتتەۋشىلەر ۇڭگىردەن تابىلعان سۇيەكتەردەگى يرەك- يرەك سۋرەتتەردى ولاردىڭ تايپاسىنىڭ تاڭباسى نەمەسە جەرلەۋ كەزىندەگى ءراسىم بولۋى مۇمكىن دەپ جورامالداپ وتىر.
«مۇمكىن قىس قاتتى بولعاندىقتان ءبىر- ءبىرىنىڭ ەتىن جەگەن بولار. مۇمكىن دۇشپانىنىڭ ەتىن جەگەن ادام ونىڭ كۇش- قۋاتىن الادى دەگەنگە سەنگەن شىعار» ، - دەيدى تاريحشى كريس سترينگەر.
سۇيەكتەگى تاڭبالى سۋرەتتەر PLOS One جۋرنالىنا شىقتى. بۇل سۋرەتتەر پالەوليت زامانىندا كاننيباليزم بولعانىن دالەلدەيتىن زاتتاي ايعاق بولىپ سانالادى. قازىر عالىمدار سۇيەككە بۇل تاڭبالاردى كىم جانە نە ءۇشىن سالعانىن انىقتاپ جاتىر.
تەگتەر PLOS One كاننيباليزم ادام ەتىن جەۋ جابايىلىق باعزى زامان زەرتتەۋ الەم جاڭالىقتار
Baq.kz
