الماتى وبلىسىندا قاراقۇيرىق سويىپ جاتقان شەتەلدىك ۇستالدى
تەكسەرۋ بارىسىندا ونىڭ 44 جاستاعى يوردانيا ەلىنىڭ ازاماتى ەكەنى انىقتالدى. ۇيعىر اۋدانى اۋماعىندا ۇستالعان ازامات ق ر ق ك 339-بابى، ياعني قۇرىپ كەتۋ قاۋپى بار، سيرەك كەزدەسەتىن جانۋارلاردى زاڭسىز ۇستاۋ، ساقتاۋ بويىنشا قىلمىستىق جاۋاپكەرشىلىككە تارتىلىپ وتىر.
كۇدىكتىنىڭ ايتۋىنشا، ەكى ءولى قاراقۇيرىقتى 100 ا ق ش دوللارىنا كىشى ديحان اۋىلى ماڭىندا بەلگىسىز بىرەۋلەردەن ساتىپ العان. كەيىن يوردانيالىقتى جەرگىلىكتى اڭشىلىق شارۋاشىلىق وكىلدەرى قولعا تۇسىرگەن. قازىرگى تاڭدا ءتۇز تاعىلارىنىڭ ولەكسەلەرى ارنايى تەكسەرۋگە جونەلتىلدى. تەرگەۋ بارىسىندا ۇستالعان ازاماتقا بۇلتارتپاۋ شاراسى قولدانىلدى. انىقتالعانداي، الماتى قالاسىندا ۋاقىتشا تۇرىپ جاتقان كۇدىكتى ۇيعىر اۋدانىنداعى دوسىنا قوناققا بارعان.
الماتى وبلىستىق ءى ءى د مالىمەتىنشە، ق ر ق ك 339-بابىندا ءاربىر قىزىل كىتاپقا ەنگەن جانۋار ءۇشىن 3 مىڭ ا ە ك كولەمىندە ايىپپۇل تولەۋ نەمەسە سول كولەمدە ەڭبەكپەن تۇزەتۋ جۇمىستارى، سونداي-اق ءۇش جىلعا دەيىن باس بوستاندىعىن شەكتەۋ مەن 3 جىلعا دەيىن باس بوستاندىعىنان ايىرۋ جازاسى قاراستىرىلعان.
اۆتور: سامال قابىشەۆا
