اينا. اننا قۇدياروۆا: مەن ءولىمدى سىيلايمىن - كەسكىن
تاربيەلەنىپ جاتقان وسكەلەڭ ۇرپاقتا اقپاراتتىق تالعام قالماي بارا جاتقانداي. وسى جىلدىڭ كوكتەمىندە جاستارعا ۇلگى بولار تۇلعالاردىڭ ىشكى سىر- ساندىعىنا ءۇڭىلۋ ارقىلى بار بولمىسىن پاش ەتىپ ءجون سىلتەر دۇنيە ۇسىنۋ ماقساتىندا Massaget.kz پورتالى جاڭا "اينا" جوباسىن قولعا العان بولاتىن.
مىنە، كۇنى بۇگىنگە دەيىن «اينا» الدىنان 18 قوناق ءوتىپ، جوبا كوپشىلىك اسىعا كۇتەتىن باعدارلاماعا اينالىپ ۇلگەردى. ەندى جوبانىڭ العاشقى ماۋسىمىنىڭ سوڭعى شىعارىلىمىنا كەزەك بەرگەلى وتىرمىز. بۇل باعدارلاما ەلگە تانىمال پسيحولوگ اننا قۇدياروۆانىڭ جان-دۇنيەسىن جاقىن تانىپ، ونىڭ ادام جانىن ەمدەۋ جولىنداعى جيعان تاجىريبەسىن سانامىزعا توقۋ مۇمكىندىگىن بەرەدى.
«اينا» جوباسى ەشكىمدى سىنامايدى، ەشكىمگە اقىل ايتپايدى، ەشكىمدى جەكە ءومىرى تۋرالى سۇراپ، تىعىرىققا تىرەمەيدى. ويتكەنى ءبىزدى قىزىقتىراتىنى ول ەمەس. اينانىڭ سۇرايتىنى - تۇلعانىڭ رۋحاني بايلىعى. اينا-عا قاراپ كىمنىڭ كىم ەكەنى تۋرالى ءوزىڭىز وي ءتۇيىپ، ءوزىڭىز شەشىم قابىلداڭىز. قۇرمەتتى كورەرمەن، ءسىزدىڭ سۇيىكتى جوباڭىز جاڭا فورمات، جاڭا تىنىسپەن وسى كۇزدە وزىڭىزبەن قايتا قاۋىشادى. كۇتىڭىز!
